СИЁСАТ
Сешанбе 07 Декабр 2021 12:57
1156
Дар шаҳри Хоруғ мулоқоти васеъи сохторҳои қудратии Ҷумҳурии Тоҷикистон бо аъзоёну ҳомиёни ҳуқуқи башари байналмилалӣ, намояндагони Кумитаи ҷавонон, варзиш ва сайёҳӣ, мақомоти маҳаллӣ ва кормандони ВАО доир гардид.
      
Зимни мулоқот мавзуи «Ҳуқуқҳои хизматчиёни ҳарбӣ» мавриди баррасӣ қарор гирифта, қайд гардид, ки бо мақсади назорат аз болои риояи қонунгузорӣ оид ба муносибатҳои оинномавӣ дар қисмҳои ҳарбии кишвар, пешгирии ҳаргуна рафторҳои ғайриоиномавӣ солҳои охир тадбирҳои зарурӣ рӯи кор оварда шуданд. Аммо барои тақвият ёфтани ҳамкориҳои самарабахш  дар ин самтҳо минбаъд ҳам талош бояд кард.

Донаёрзода Меваршоҳ, намояндаи Вазорати Мудофиаи кишвар аз хусуси фаъолияти ин ниҳоди давлатӣ маърӯза карда зикр намуд, ки Вазорат дар сатҳи ҳимоя ва ҳифзи ҳуқуқу озодиҳои инсон пайваста тадбирҳои сундманд меандешаду онро аз қабили арзишҳои олӣ мешуморад.

- Яке аз вазифаҳои асосии хизматчиёни ҳарбии ҷузъу томҳои қувваҳои мусаллаҳи кишвар таҳкими иқтидори мудофиавии он ба ҳисоб меравад. Дар баробари ин ҷиҳати пешгирии ҳамагуна қонуншиканиҳо ва ҷиноятҳо ба муқобили хизмати ҳарбӣ, вайрон кардани қоидаҳои оинномавии муносибатҳои байниҳамдигарии хизматчиёни низомӣ, баромадан аз ҳадди ваколатҳои мансаби хидматӣ чораҳои муассир роҳандозӣ шуданд.

Солҳои охир ҳамаи шароитҳо дар қисмҳои ҳарбӣ беҳбуд ёфта, ҳоло адои қарзӣ фарзандӣ дар сафи қувваҳои мусаллаҳ барои ҳар  ҷавонмард афзалияте бештаре дорад.

Абдуҳалим Низомов, муовини Сардори шуъбаи ҳифзи давлатии ҳуқуқҳои занон
ва кӯдакони Дастгоҳи Ваколатдор оид ба ҳуқуқи инсон дар Тоҷикистон тавзеҳ дод, ки аз солҳои қаблӣ то ҳозир дар ҳамбастагӣ  бо гурӯҳҳо зидди шиканҷа дар нӯҳ қисми ҳарбии Вазорати Мудофиа мониторинг гузарондем.
- Боиси қаноатмандист, ки дар ҳамаи онҳо сарбозон аз ҷиҳати таъминоти ниёзи аввала, хӯрокаву либос, лавозимоти шустушӯйӣ ва ғайра пайваста таъмин мебошанд.
Дар самти таъмиру азнавсозии баъзе биноҳои қисмҳои ҳарбӣ албатта норасогиҳо ба назар мерасанд. Бояд тазаккур дод, ки ҳамаи онҳо ба нақшаи бозсозии Вазорати Мудофиа дароварда шуданд ва тадриҷан мувофиқи талаботи замон таҷдиду барқарор хоҳанд гашт.

Қурбонзода Аслидин, муфатиши Прокуратураи ҳарбии Гарнизони Хоруғ зимни суханрониаш гуфт, ки солҳои охир масъалаи сулҳу амният яке аз мавзӯҳои мубрами тамоми мамлакатҳои ҷаҳон аз ҷумла ҷумҳурии мо ба ҳисоб меравад. Рӯйдодҳои охири олам гувоҳи онанд, ки дар ҷаҳон чӣ гуна нооромиҳо, мухолифатҳо ва ҷангу хунрезиҳо, амалҳои террористиву экстримистӣ ба миён омаданд. Кишвари мо низ дар ин раванди ҷаҳонишавӣ бетараф набуда, сол аз сол сафи қувваҳои мусаллаҳро пурзӯр менамояд. Зеро, ки ҳифзи ҳар як ваҷаб хоки Ватан ҳама кафили осудагиву суботи давлату миллат ҳаст.

  


Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Декабр 2021 c.