Раиси Суди Олӣ Шермуҳаммад Шоҳиён дар нишасти матбуотӣ, имрӯз, 18 июл, оид ба вазъу ҳолати баррасии парвандаҳои судӣ ва таъмини адолати иҷтимоӣ аз ҷониби судҳои ҷумҳурӣ маълумот дод.

Қайд гардид, ки дар нимсолаи якуми соли ҷорӣ судҳои ҷумҳурӣ дар марҳилаҳои якум, кассатсионӣ ва назоратӣ 74270 парвандаи шаҳрвандӣ, оилавӣ, ҷиноятӣ, маъмурӣ, дархостҳои мақомоти тафтиши пешакӣ ва пешниҳодҳои муассисаҳои ислоҳиро баррасӣ намуданд. Ин шумора нисбат ба ҳамин давраи соли гузашта 7729 адад зиёд мебошад.

Раиси Суди Олӣ афзудани шумораи ҷинояткоронро дар зиёдшавии аҳолӣ медонад: “Дар Тоҷикисон ҳар сол тақрибан шумораи аҳолӣ 180 ҳазор нафар зиёд мешавад. Аҳолӣ ки зиёд шуд, баҳсҳои шаҳравндӣ ва ҷинояткорӣ низ зиёд мешавад. Дар ин раванд дар судҳо низ парвандаҳои ҷиноятӣ зиёд баррасӣ мегарданд. Ҳоло дар робита ба мақомоти дахлдор ин масъала мавридӣ омӯзиш аст.

Шермуҳаммад Шоҳиён, ҳамчунин иброз дошт, ки дар миёни ҷинояткорон парвандаҳои кормандони мақомоти судӣ низ мавҷуд аст.

- Дар давраи ҳисоботӣ 207 муроҷиати шаҳравандон нисбат ба ҳаракатҳои судяҳо ва кормандони дастгоҳҳои судҳо баррасӣ шуданд, ки 44 адад ба сари вақт баррасӣ накардани парвандаҳо, 5 адад ба иҷро накардани санадҳои судӣ ва 158 адад ба самтҳои дигари фаолияти судҳо мансуб мебошанд, - гуфт раиси Суди Олӣ.