Агентии авиатсияи граждании назди Ҳукумати Ҷумҳурии Тоҷикистон дар доираи ҳамкориҳои байналмилалии кишвар дар самти авиатсияи гражданӣ дар соли 2023 бо 28 кишвари хориҷӣ созишнома оид ба алоқаи ҳавоӣ ба имзо расонидааст.

Ин нуктаро 31 январ Дилшод Сафарзода, директори Агентии мазкур зимни нишасти матбуотии ниҳодаш ба рӯзноманигорон иттилоъ дод.

Ӯ зикр намуд, ки аз кишварҳои мазкур 9 кишвари ИДМ, 7 кишвари Аврупо ва 12 кишвари Осиë мебошанд.

Ҳамчунин дар идома таъкид намуд, ки айни замон лоиҳаи созишномаҳо оид ба алоқаи ҳавоӣ бо чанд кишвари дигар монанди ҷумҳуриҳои Финляндия, Шри -Ланка, Ветнам, Шоҳигарии Британияи Кабир, Ҷумҳурии Мисри Араб ва Литва дар баррасии ҷонибҳо қарор доранд.

Гулафшон КАРИМОВА, “ҶТ”