Дар асоси Фармони Президенти кишвар муҳтарам Эмомалӣ Раҳмон имрӯзҳо даъвати ҷавонон ба сафи Артиши миллӣ бо маром идома дошта, то имрӯз иҷроиши он дар қаламрави ҷумҳурӣ 50,2 фоизро ташкил медиҳад.

Тавре сомонаи расмии Вазорати мудофиаи кишвар хабар дода буд, ВМКБ нахустин шуда, дар рӯзи аввали даъват нақшаро пурра иҷро кард.

Тибқи иттиллои ин манбаъ давоми беш аз 10 рӯзи ҷараёни ин ин маъракаи муҳими сиёсӣ ноҳияҳои Нуробод, Рашт, Тоҷикобод, Сангвору Лахш ва шаҳри Ҳисор аз анҷоми даъвати тирамоҳии шаҳрвандон ба хизмати ҳарбӣ гузориш дода, дар умум бошад, иҷрои нақша дар шаҳру ноҳияҳои тобеи ҷумҳурӣ ба 62 фоиз расидааст.

Ҳамчунин гуфта мешавад, ки вилояти Хатлон 51 фоизи нақшаро иҷро намуда, аллакай ноҳияҳои Данғараву Вахш даъвату гусели ҷавонписарони синни даъватиро ба анҷом расонидаанд.

Дар шаҳри Душанбе низ маъракаи даъват бо маром идома дошта, то ба имрӯз нақшаи пешбининамударо 48 фоиз иҷро шудааст.