9 октябр дар Донишкадаи куҳӣ-металлургии Тоҷикистон дар шаҳри Бӯстон бо донишҷӯёни курси 1, ки аввалин маротиба дар интихоботи Президенти Ҷумҳурии Тоҷикистон иштирок мекунанд, мулоқот доир гардид.

Мулоқот бо сухани ифтитоҳии муовини ректори донишкада Манзура Аминҷонова оғоз гардида, баъдан мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Бӯстон Мамнур Нурзода, мудири Бахши кор бо ҷавонон ва варзиши шаҳр Хусравшоҳ Исмоилзода ва мудири Бахши дин, танзими анъана ва ҷашну маросим Бахтовар Ҷумаев перомуни иштироки фаъолонаи ҷавонон дар интихоботи Президенти Ҷумҳурии Тоҷикистон суханронӣ намуданд.

Донишҷӯёни бо хушнудӣ изҳор доштанд, ки дар интихобот фаъолона ширкат намуда, баҳри рушди босуботи Тоҷикистон овоз хоҳанд дод.