СИЁСАТ
Якшанбе 24 Январ 2021 01:53
7568
Баробари чашм кушодану дидани нури хуршеди тобон дар осмони беғубори Ватан ҳисси баланди ватандӯстиам баландтар мешавад. Аз оне, ки миёни он нури хуршеди ховар Парчами Тоҷикистони азизам парафшон аст, умедам ба ояндаи боз ҳам дурахшони кишвар гул мекунад. Парчаме, ки паёми шодӣ дорад, рамзи муваффақият аст, дар сарбаландиҳои мо баландтар мешавад. Парчаме, ки хунрезиҳои ҷумла сарсупурдагони миллати моро барои озодӣ дар ранги сурхи худ таҷассум кардааст. Барои нишона аз бахту иқболи сафеде, ки дар пайи ҷоннисориҳои абармардони Ватан насиби тоҷикон, ормони хушхуфтагон ва орзӯи ҳамешагии насли имрӯзу фардои мо гаштааст, ранги сафеди беғуборе ҷойгир дар ливои мост.

“Мо аз умқи таърих набояд хокистар, балки шуъла бардорем!” ин таъкиди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моро доимо водор ба он месозад, ки ҳамеша пайи сохтан бошем. Бо шуълае, ки оташи онро ниёгони хирадманди мо афрохтааст ва мо аз умқи таърих мебардоремаш бояд шуълаи созанда, шуълаи нурдиҳанда ва дурахшанда бошад.

Он ҳама хунрезӣ, ҷоннисорӣ, сарсупорӣ, “дар тӯли таърихи дароз, дар биёбонҳои тафсон дар ҷустуҷӯи бахт мурдан” дар гузаштаи мардуми тоҷик монду дар таърихаш сабт шуд ва инак наздик ба 30 сол аст, ки ободӣ, пешрафт, тараққиёт ва сарсабзӣ мулки тоҷиконро фаро гирифта. Ин аз нав сабзиданҳо, сарсабзиҳо ва эҳёшуданҳо дар ранги сабз, дар Парчами муқаддаси мо дар пояе, ки ба чашми мардуми ҷаҳон намоён аст ва пайғоми як кишвари дар ҳоли сарсабз буданро медиҳад, парафшонӣ мекунад. Ин парафшонӣ миёни рангҳои сурху сафеду сабз тоҷи мардуми тоҷикро, ки аз азал соҳиб буд, ҷавлон медиҳад.

Баландии Парчами мо баландии ҳиммати мардуми тоҷик ва бузургии он нишонаи бузургии модари тоҷик аст, ки ба таърих шахсиятҳои бузургро ато кардааст. Ба мисли бузургтарин мардони сарсупурдаи ту, эй Ватани азизи ман, саъй хоҳам кард, то ки бузургии ту завол наёбад. Қудрату тавонмандӣ, зӯру матонати худро то ҷон дар бадан дорам, барои ҳимояи ту дареғ нахоҳам дошт. Мутмаинам, ки ин осудагии ту ҷовидонист. Зеро мо сарваре дорем, ки ҳомии сулҳ аст. Дар ҳошияи ғамхориҳои ҳамаҷонибаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба ҳамаи қишри ҷомеа мо насли ҷавон уҳдадорем, ки ояндаро ончунон бисозем, то насли оянда ифтихорманд аз имрӯзи Тоҷикистон бошад.

Неъматулло ЗАРИПОВ,
сарбози қисми ҳарбии 0119

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Январ 2021 c.