СИЁСАТ
Сешанбе 27 Сентябр 2022 04:21
7422
Имрӯз дар бинои КТН “Шарқи Озод” бо иштироки намояндагони Ҳизби Халқии Демократии Тоҷикистон ва рӯзноманигорон чорабинии тарғиботӣ доир гардид.

Зимни ҷамъомад аз ҷониби намояндагони ин ҳизб дар бораи барномаи пешазинтихоботии ҲХДТ ва номзади пешниҳоднамудаи он ба мансаби Президенти Ҷумҳурии Тоҷикистон маълумот дода шуд. Аз ҷумла зикр гардид, ки барномаи мазкур идомаи мантиқии барномаи пешазинтихоботии солҳои 2013-2020 буда, дар он масъалаҳои хуб ба роҳ мондани иқтисодиёти беруна, саноатикунонии босуръати кишвар, дохил шудан ба гурӯҳи кишварҳои даромадашон миёна, афзоиши ҳаҷми истеҳсоли маҳсулотҳои дохила ва ғайраҳо дар мадди аввал қарор дорад.

Ҳамчунин гуфта шуд, ки дар асоси нишондиҳандаҳо нақшаҳои гузошташудаи ин солҳо пурра ва барзиёд анҷом дода шуданд. Аз ҷумла, нақшаи афзоиши иқтисодиёти барномаи пешин ва ҳаҷми истеҳсоли маҳсулоти дохилии кишвар дар ин солҳо ду маротиба зиёд анҷом ёфта, ҳафт соли минбаъда низ нақшаҳои мазкур пурра ва барзиёд амалӣ хоҳад шуд.

Дар идомаи чорабинӣ Рафиқа Мусоева, миёни занон аз хидматҳои шоёни номзади пешниҳоднамудаи ҲХДТ Пешвои миллат муҳтарам Эмомалӣ Раҳмон дар сулҳу осоиштагӣ ва ноил гардидан ба дастовардҳои назаррас ёдовар гардид. Зимни суханронӣ ҳамчунин қайд кард, ки саҳми Пешвои миллат дар ободию оромии Тоҷикситон хеле бузург мебошад.

Дар анҷом намояндагони ҲХДТ аз ҳозирин даъват ба амал оварданд, ки дар интихоботи Президенти Ҷумҳурии Тоҷикистон фаъолона иштирок намоянду ба номзади арзанда овоз диҳанд.

Сайёра Шукурзода, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Сентябр 2022 c.