Вазорати корҳои хориҷаи кишвар мусоҳибаи фармондеҳи артиши ИМА мустақар дар Афғонистон генерал Ҷон Николсонро бо ширкати ВВС, ки гӯё тариқи сарҳади Тоҷикистон ба ҳаракати Толибон яроқу аслиҳа интиқол меёбад, шадидан инкор намуда, ин изҳороти беасоси генерали амрикоиро дар баёнияи худ боиси таассуф номид. Ин нукта дар хабаре, ки дар сомонаи вазорат ҷо шудааст, зикр ёфтаааст.

Генерал Ҷон Николсон зимни мусоҳибааш Русияро бо он айбдор намуд, ки ба ҳаракати Толибон яроқу аслиҳа пешниҳод намуда, баҳри ин мақсад сарҳади Тоҷикистонро истифода мебарад. Ба андешаи генерал Русия ҳамроҳи Тоҷикистон дар наздикии сарҳади Тоҷикистону Афғонистон машқҳои зидиифротӣ анҷом дода, як миқдор яроқу аслиҳаро он ҷо гузоштааст. Баъдан ин лавозимоти ҷангӣ гӯё махфӣ ба ҳаракати Толибон интиқол ёфтааст.

“Тоҷикистон ҳаргиз ҳаракати Толибонро эътироф накардааст ва нахоҳад кард, - гуфта мешавад дар баёнияи Вазорати корҳои хориҷа. – Мо тарафадори ҳар чи зудтар бо роҳи осоишта ҳал гардидани муноқишаи кишвари афғон мебошем. Пас ҳудуди худро барои амалӣ намудани чунин ниятҳое, ки хилофи мавқеи мост, ба тарафи сеюм пешниҳод намесозем.”