Аз тарафи кормандони гумруки Панҷи-Поёни Раёсати минтақавии гумрукӣ дар вилояти Хатлон боз як далели интиқоли ғайриқонунии молу ашёҳои хусусияти таърихиву фарҳангии миллӣ дошта, ошкор ва пешгирӣ карда шуд.

Ба иттилои маркази матбуотии Хадамоти гумуруки назди Ҳукумати Тоҷикистон, шаҳрванди  Афғонистон Гулбиддини Муҳобиддин мехост бидуни ҳуҷҷатҳои лозима ва иҷозатномаи махсуси Вазорати фарҳанги Ҷумҳурии Тоҷикистон ба миқдори 12 адад матоҳои тариқи дастӣ гулдузишударо, ки  арзиши таърихиву миллӣ доштанд ба Афғонистон интиқол бидиҳад.

Ҳолати мазкур пешгирӣ карда шуда бо дастрасии моддаи 570-и Кодекси ҳуқуқвайронкунии маъмурии Ҷумҳурии Тоҷикистон парвандаи маъмурӣ нисбати Гулбидини Муҳобиддин оғоз гардид.