СИЁСАТ
Якшанбе 07 Март 2021 05:39
7561
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба соҳаи илму маориф аҳамияти махсус медиҳанд, то таҳсили хонандагон рӯ ба беҳбудӣ оварад. Ҳамеша кӯшиш бар он мекунанд, ки насли наврас хуб тарбия ёфта, дар оянда номбардори миллат шаванд. Доимо аз муассисаҳои оливу миёна ва томактабӣ дидан намуда, бо кӯдакон на ҳамчун Президенти кишвар, балки ҳамчун як узви хонадони онҳо суҳбат мекунанд. Дар арафаи Рӯзи Президент тасмим гирифтем, ки бо кӯдакон ҳамсуҳбат шуда, андешаҳои онҳоро дар бораи Президенти мамлакат муҳтарам Эмомалӣ Раҳмон дониста бошем. Ба суоли мо: “Оё шумо Президентро мешиносед?” чунин посух доданд:

Умедашка.jpg
Умеда МАСТИБЕКОВА, хонандаи синфи 1:

– Ман аз 3-солагӣ Президенти кишвар муҳтарам Эмомалӣ Раҳмонро мешиносам. Дар боғча муаллимаи мо доимо таъкид мекарданд, ки муҳтарам Эмомалӣ Раҳмон Президенти мо мебошад. Ман имрӯз дар синфи 1 мехонам ва мехоҳам, ки бисёр китобҳои бадеиро мутолиа намуда, дар озмуни “Фурӯғи субҳи доноӣ...” иштирок намуда, ҷойи аввалро ишғол намоям. Ман Сарвари давлатро дӯст медорам, чунки ман доимо ӯро дар хоб мебинам. Ба ҳамин хотир мехоҳам, ки бисёртар китоб хонам ва ӯро аз наздик бинам.

Untitled-2.jpg
Кароматулло РАҶАБЗОДА, 7 –сола:

– Эмомалӣ Раҳмон бобоҷони ман мебошад. Ман доимо ӯро тариқи телевизор тамошо мекунам ва бо овози баланд фарёд мекунам, бобо назди мо биёед, шуморо дидан мехоҳем. Ман ваъда медиҳам, ки мактабро хуб хонда, парчамбардори кишвар мешавам.

Untitled-2.jpg3.jpg
Сумая ТЕШАЕВА, 6 – сола:

– Мо дар боғча ҳамеша ҳамроҳи муаллима дар бораи Президентамон суҳбат мекунем. Мураббии мо доимо мегӯяд, ки ҳамаи ин ғамхориҳои ҳамон марде аст, ки мо дар ин ҷо дарс мехонем, ба театр меравем, идҳоро ҷашн мегирем, хурсандӣ мекунем. Ҳамчунин шеърҳо азёд мекунем. Ман дар васфи бобоҷони Эмомалӣ Раҳмон бисёр шеър азёд кардаам.

Ту омадӣ ба майдон, эй Пешвои миллат,
Гаштӣ ба рӯзи сахтӣ мушкилкушои миллат.
Эй қаҳрамони миллат, зӯру тавони миллат,
Гардида решапайванд, ҷонат ба ҷони миллат.

Untitled-2.jpg4.jpg
Сулаймони Хайрулло, 6 – сола:

– Ман дар хона ҳамеша бо модарам дар бораи Эмомалӣ Раҳмон суҳбат мекунам. Ба модарам мегӯям, ки ман мехоҳам дар оянда духтур шавам, зеро ки барои духтури хуб Президенти кишвар доимо туҳфаҳо медиҳад, ба наздашон меравад аз фаъолияти онҳо доимо огоҳ аст ва онҳоро дастгирӣ мекунад. Ман низ мехоҳам духтури хуб шуда аз ҷониби Сарвари давлат туҳфа гирам. Барои ба орзуҳои имрӯзаам расидан, ман бояд чӣ дар боғча ва чӣ дар мактаб бо баҳои хубу аъло таҳсил намоям.

Untitled-2.jpg2.jpg
Шукрияи БАХТОВАР, 7- сола:

– Имсол соли охирини ман дар кӯдакистон мебошад ва дар дилам ҳамеша мегӯям, ки кош як бор Президенти мамлакат муҳтарам Эмомалӣ Раҳмон ба кӯдакистони мо ташриф оварад ва ҳамаи он шеърҳо ва суханони пурмазмунро, ки мурабии азизамон дар давоми таҳсил ба ман ёд додаанд, қироат намоям ва барояшон ваъда медиҳам, ки ман низ дар оянда мураббии хуб шуда, дар боғчаҳо кор мекунам.

Untitled-2.jpg1.jpg
Исо ФОЗИЛОВ, 5 - сола:

– Президенти кишвари мо бобои ман Эмомалӣ Раҳмон аст. Қариб ҳар рӯз аммаҷонам бароям китобҳоро мехонад, то ки ман зуд хоб равам. Аммо дар назарам ин афсонаҳо дигар хел менамоянд. Вақте ки аммаҷонам дар бораи бобои Эмомалиам сухан мекунад, ман хурсанд мешавам ва худамро дар ҷойи ӯ ҳис мекунам. Аммаам аз бақувватии ӯ гап мезанад, боз ман мобайни гапҳояш мегӯям, ки ман ҳам калон шавам ранги ӯ бақувват мешавам ба ҳама ёрдам мекунам.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Март 2021 c.