СИЁСАТ
Якшанбе 07 Март 2021 04:54
7556
Дастгирии занону бонувон ва ғамхорӣ доир ба ҳалли масъалаҳои онҳо дар сиёсати иҷтимоии давлат минбаъд низ мақоми сазовор хоҳад дошт. Зеро, мо ҷонибдорӣ ва саҳми занону бонувони мамлакатро аз раванди сулҳ, сарҷамъии миллат ва барқарорсозии баъдиҷангӣ фаромӯш намекунем. Занону бонувони кишвар ҳамчун қувваи фаъолу пешрафтаи ҷомеа дар тарбияи насли солим, танзими расму оинҳо ва муқовимат бо ифротгароиву хурофотпарастӣ нақши басо арзишманд доранд.
Эмомалӣ Раҳмон

Бо шарофати Истиқлолияти давлатӣ ва дастгирии Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон занони тоҷик тавонистанд собит созанд, ки дар баробари рисолати модарию ҳамсарӣ метавонанд, рисолати роҳбариро низ сарбаландона иҷро намоянд. Ин шинохти қудрати фитрии зани тоҷик имконият дод, то ҷомеа ҳам инро эътироф намояд. Имрӯз зани тоҷик дар тамоми соҳаҳо фаъолият намуда, мавқеи хосро доро мебошад.

Маълум аст, ки сиёсати давлат дар самти дастгирии занон назаррас буда, аз солҳои аввали истиқлол масъалаи беҳгардонии шароити занон ҳамеша дар маркази диққати Ҳукумат қарор дошт.

Дар ҷараёни мулоқотҳои хеш Пешвои миллат пайваста аз ҳадаф ва дурнамои сиёсати кадрии Ҳукумати Ҷумҳурии Тоҷикистон дар мавриди интихобу ҷобаҷогузории кадрҳои ҷавону лаёқатманд ва тарбияи мутахассисони соҳаҳои гуногуни хоҷагии халқи мамлакат ёдовар шуда, қайд менамоянд, ки баланд бардоштани мақому мартабаи зан дар ҷомеаи озоду соҳибистиқлоли Тоҷикистон яке аз ҳадафҳои муҳим ба ҳисоб меравад.

Бино ба маълумоти Агентии хизмати давлатии назди Президенти Ҷумҳурии Тоҷикистон айни замон аз шумораи умумии 5676 нафар кадри роҳбарикунанда 1066 (18,7%) нафарро занон ташкил медиҳад.

Тавре Роҳбари давлат дар яке аз паёмҳояшон қайд намуданд: “Ҳоло шумораи занон дар соҳаҳои маориф беш аз 70 фоиз, тандурустӣ ва ҳифзи иҷтимоӣ 67 фоиз, фарҳанг 51 фоиз ва дар сафи хизматчиёни давлатӣ 23,3 фоизро ташкил медиҳад”.

Бояд гуфт, ки баъди ба даст овардани Истиқлолияти давлатӣ Президенти кишвар муҳтарам Эмомалӣ Раҳмон баҳри рушду осоиштагии кишвар як қатор қонуну қарор ба тавсиб расониданд. Ҳамзамон, барои баланд бардоштани мақоми зан дар ҷомеа ва ба корҳои давлатӣ ҷалб намудани онҳо амру қарорҳоро ба имзо расониданд, ки то имрӯз тибқи ин фармонҳо зина ба зина фаъолияти занон ба назар мерасад.

Бо мақсади баланд бардоштани мавқеи занон дар кишвар соли 1999 Фармони Президенти Ҷумҳурии Тоҷикистон “Дар бораи баланд бардоштани мақоми зан дар ҷомеа” ба имзо расид, ки ҳамчун санади тақдирсоз барои кулли занони тоҷик ба шумор меравад. Ҳамзамон, то имрӯз барои дастгирии занону духтарони тоҷик зиёда аз 20 санади муҳими дигар ба тасвиб расид. Ҳамчунин даҳҳо фармоишу қарорҳо, ки ба беҳдошти вазъи иҷтимоӣ–иқтисодӣ, фарҳангию маънавии оилаҳо, баланд бардоштани мақоми зан дар ҷомеа, иштироки фаъолонаи онҳо дар идоракунии давлат, тайёр намудани кадрҳои болаёқату донишманд аз ҳисоби духтарон, баланд бардоштани маърифати ҳуқуқии занон ва беҳгардонии вазъи сиҳатии модару кӯдак равона шудааст.

Дар Паёми Пешвои миллат муҳтарам Эмомалӣ Раҳмон ба Маҷлиси Олии кишвар аз 22 декабри соли 2016 бо дарназардошти хизматҳои арзандаи занону духтарон дар таъмин ва ҳифзи манфиатҳои ҷомеаи демократию ҳуқуқбунёд пешниҳод гардид, ки ҷалби занону духтарон ба кор дар муассисаҳои низоми бонкӣ, хадамоти алоқа, шуғл ва дигар бахшҳои хизматрасонӣ бештар шавад, то ки дар ин сохторҳо низому тартиботи кор боз ҳам тақвият ёбад. Мақсади пешниҳод ба хотири он буд, ки дар оянда аз неруи созандаи бонувону духтарон боз ҳам бештар истифода карда, ба амалӣ гардидани ташаббусҳои онҳо мусоидат намоем. Зеро дар мавриди сиёсати гендерӣ Ҳукумат ҳамеша ҷонибдори ибтикороти занону духтарон аст ва онҳоро ҳамаҷониба дастгирӣ мекунад.

Бояд гуфт, ки масъалаҳои марбут ба занон ва ҳаллу фасли онҳо ҳамеша дар мадди назари Пешвои миллат қарор дорад ва ин иқдомҳо собит месозанд, ки ӯ зан–модарро ҳамчун мавҷуди муқаддас дӯст медораду ҳурмату эҳтиромашро ба ҷо меорад.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Март 2021 c.