Дар асоси нақшаи чорабиниҳои тасдиқгардидаи якҷояи Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар қисмҳои ҳарбии 0410, 0438-и ин ниҳод дар шаҳри Хоруғи Вилояти Мухтори Кӯҳистони Бадахшон чорабиниҳои хусусияти ҳарбӣ - ватандӯстидошта гузаронида шуд.

Дар ин бора аз маркази матбуотии Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ доданд.

Ба иттилоъи манбаъ дар чорабини сардори Раёсати тарбияи ватандӯстии дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон, роҳбарияти қисмҳои ҳарбӣ ва масъулини Кумитаи кор бо ҷавонон ва варзиш дар ВМКБ иштирок ва суханронӣ намуданд.

Нахуст Иброҳимзода Амир, сардори Раёсати тарбияи ватандӯстии дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон хизматчиёни ҳарбиро аз номи роҳбарияти Кумита бахшида ба таҷлили Рӯзи истиқлоли давлатии Ҷумҳурии Тоҷикистон самимона табрику муборакбод намуда, қайд намуд
Гуфта шуд, ки дар давраи соҳибистиқлолӣ шароити сарбозону афсарон аз лиҳози моддиву маънавӣ ва дастрасӣ бо техникаҳои муосир беҳтар гардида, аз ҷавонони сарсупурдаи Ватан танҳои зиракиву ҳушёрӣ, хизмати содиқонаву софдилона ба халқу Ватан, эҳтиром ва ҳимояи арзишҳои миллӣ, ҳифзи муқаддасоти давлатӣ ва поку беолоиш нигоҳ доштани ҳар ваҷаб хоки муқаддаси ин сарзамин талаб мешавад.

Сипас мусобиқаҳои хурди варзишӣ, аз қабили дастхобонӣ миёни сарбозон гузаронида шуда, дар фарҷом як қатор афсарону сарбозон барои хизмати содиқонаашон дар сафи Қувваҳои Мусаллаҳи Ҷумҳурии Тоҷикистон бо сипосномаҳои Кумитаи кор бо ҷавонон ва варзиш сарфароз гардонида шуданд.

Наҷиба МУРОДБЕКОВА, “ҶТ”