СИЁСАТ
Ҷумъа 04 Декабр 2020 07:52
7296
Дар маҷлисгоҳи мақомоти иҷроияи маҳаллии ҳокимияти давлатии ВМКБ бо иштироки аъзои Комиссияи марказии интихобот ва раъйпурсии Ҷумҳурии Тоҷикистон (КМИР) Юсуф Шодмонбеков семинар – машварат баргузор гашт.

Тавре аз Шуъбаи рушди иҷтимоӣ ва робита бо ҷомеаи дастгоҳи раиси шаҳр иттилоъ доданд, дар чорабинӣ инчунин комиссияи ҳавзаи интихоботии Хоруғ, рақами 18 ва раисони участкаҳои интихоботии вилоят иштирок намуданд.

Ю. Шодмонбеков аз ҳозирин даъват кард, ки кору фаъолиятро дар самти омодагии ҳамаҷониба ба интихоботи Президенти Ҷумҳурии Тоҷикистон тақвият дода, ба омода намудани утоқҳои овоздиҳӣ, теъдоди мушаххаси овоздиҳандагон, насби шиору овезаҳо мувофиқи талабот мусоидат кунанд ва ҳамарӯза аз рӯи корҳои анҷомдода ба ҳавзаҳои муайян ахборот манзур намоянд.

Зикр шуд, ки комиссияи ҳавзаи интихоботӣ ва раисони участкаҳои интихоботиро лозим аст, ки фаъолияти худро дар асоси нақшаи тақвимии КМИР пиёда намуда, талабот ва муқаррароти бандҳои нақшаро дар доираи мӯҳлати пешбинишуда иҷро кунанд.

Сипас миёни аъзои КМИР кишвар ва иштирокдорони семинар табодули афкор сурат гирифта, раисони участкаҳои интихоботӣ ба саволҳои худ посухҳои аниқ гирифтанд.

Эзоҳи худро нависед



Рамзҳо дар расм