СИЁСАТ
Якшанбе 16 Январ 2022 04:03
8053
30-май бо ташабуси Кумитаи ҳифзи муҳити зисти назди Ҳукумати Ҷумҳурии Тоҷикистон машғулияти нахуст барои аъзои клуби рӯзноманигорони экологӣ - “Экожурналист” дар мамнӯъгоҳи табиии давлатии “Бешаи палангон”-и ноҳияи Дӯстӣ баргузор гардид.

Дар рафти сафар намояндагони ВАО аз осорхонаи мамнӯъгоҳ дидан карданд. Баъдан аз чанд минтақаҳои беша ба мисли Минтақаи “Техникии №1”, минтақаи “Кирпичний” (хиштӣ), “Хонаи шикорчиён” дидан намуда, сипас дар рафти машғулият дар бораи беша минтақаҳои он маълумот гирифтанд.

Машғулияти нахуст барои аъзои клуби “Экожурналист” аз ҷониби Давлаталӣ Шарипов, муовини сардори Муассисаи давлатии Ҳудудҳои табиии махсус муҳофизатшавандаи КҲМ гузаронида шуд.

Дар рафти дарс гуфта шуд, ки “Бешаи палангон” аввалин мамнӯъгоҳи табиии давлатӣ дар Тоҷикистон мебошад, ки соли 1938 бо қарори Шӯрои Комиссариати ҶШС Тоҷикистон бо мақсади ҳифзу нигаҳдорӣ ва барқароркунии олами набототу ҳайвоноти гуногуни минтақа, биёбону туғайзорҳои нодир ва намудҳои ҳайвоноти гуногун, ба монанди гавазни бухороӣ, гурбаӣ қамишзор, гӯсфанди кӯҳии бухороӣ сағобӣ, тазаври тоҷикӣ, ширмоҳӣ, зағорамоҳӣ ва ғайра таъсис дода шудааст.                                  

Он дар қисмати ҷанубу ғарби Тоҷикистон, дар минтақаи биёбони байни дарёҳои Вахш, Панҷ ва Кофарниҳон дар сарҳади Ҷумҳурии Исломии Афғонистон, дар саргаҳи дарёи калонтарини Осиёи Миёна – дарёи Ому мавқеъ гирифтааст ва масоҳати имрӯзаи мамнӯъгоҳ ба 49786 гектар баробар аст. Ҳудуди мамнӯъгоҳ асосан дар марзи заминҳои нохияҳои Дӯстӣ, Қубодиён ва Ҷайҳуни вилояти Хатлон ҷойгир аст.

Гуфта шуд, ки зиёда аз 4000 гектари мамнӯъгоҳро обанбор ва кӯлҳо ташкил медиҳанд. Дар мамнӯъгох 20 кӯл мавҷуд аст ва ҳар кадоми онҳо дорои номи хоси худ мебошанд.

Дар онҷо 18 намуди ҳайвонот ва 15 намуди набототи нодир ҳифз ва нигоҳ дошта мешаванд. Ҳамчунин, 20 намуди моҳӣ, 30 намуди хазанда, 34 намуди ширxорон, 2 намуди обхокиҳо, 150 намуди паррандаҳо ва намудҳои сершумори нодири бемӯҳрадорон сукунат доранд.

Бояд зикр кард, ки мамнӯъгоҳи “Бешаи паланго” як гӯшаи зебои кишвари мо буда, ин макон сирру асрори хоси табиии бисёрасраро дар худ таҷассум мекунад. Ин беша аз замони пеш то имрӯз ҳолати табии худро дигар накардааст ва дар қаламрави он бисёр намудҳои нодири набототу ҳайвонат ҳифз карда мешаванд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Январ 2022 c.