Кумитаи андози назди Ҳукумати Ҷумҳурии Тоҷикистон дар шашмоҳаи аввали соли равон зиёда аз 11 ҳазор ҳолати қонунвайронкуниро ошкор намудааст.

Дар ин бора 14 август Давлатзода Нусратулло, раиси Кумитаи андози кишвар зимни баргузории нишасти хабариаш иттилоъ дод.

Ӯ зикр кард, ки шахсоне, ки ба ҳуқуқвайронкуниҳо роҳ додаанд, ба ҷавобгарии маъмурӣ кашида шуда, ба маблағи умумии 185,3 млн. сомонӣ ҷаримаҳои маъмурӣ татбиқ гардидааст.

- Аз ин ҳисоб ва аз ҳисоби ҷаримаҳои солҳои қаблӣ татбиқшуда ба буҷети ҷумҳуриявӣ зиёда аз 172,6 млн. сомонӣ маблағҳо ворид карда шуд, ки нисбат ба ҳамин давраи соли гузашта 40,6 млн. сомонӣ зиёд мебошад,- гуфт Давлатзода.

Инчунин ӯ таъкид намуд, ки новобаста аз фароҳам оварда шудани шароити мусоид барои бақайдгирии субектҳои хоҷагидор, рушди соҳибкорӣ, беҳтар намудани хизматрасониҳои давлатӣ, ташкили рақамикунонӣ ва амалӣ намудани доду гирифти маълумотҳо миёни вазорату идораҳо дар шакли электронӣ ҳоло ҳам аз ҷониби субъектҳои хоҷагидор қонунвайронкуниҳо ҷой доранд.

Фарзонаи УМАРАЛӢ, “ҶТ”