Дар моҳҳои наздик миён Тоҷикистону Малдив раводид бекор карда мешавад. Дар ин бора Вазорати корҳои хориҷии Тоҷикистон хабар дод.

Ба иттилои манбаъ 26 ноябри соли 2024 дар шаҳри Ню-Йорк маросими имзои Созишнома байни ҳукуматҳои Ҷумҳурии Тоҷикистон ва Ҷумҳурии Малдив оид ба мутақобилан бекор кардани талаботи раводид доир гардида аст.

Гуфта мешавад, ки санади мазкурро намояндаи доимии Тоҷикистон дар Созмони Милали Муттаҳид Ҷонибек Ҳикмат ва намояндаи доимии Малдив дар ин Созмон Али Насир Муҳаммад ба имзо расониданд.

Дар асоси Созишномаи баимзорасида шаҳрвандони Тоҷикистону Малдив ҳуқуқ пайдо мекунанд, ки ҳангоми ворид, хориҷ ва убур ва муваққатан бубудош кардан дар ҳудуди яке аз тарафҳо ба муддати сӣ (30) рӯз озод мебошанд.

“Ин созишнома ба муҳлати номуайн баста шуда, пас аз сӣ (30) рӯз аз лаҳзаи гирифтани огоҳиномаи охирини хаттӣ, тариқи роҳҳои дипломатӣ, аз ҷониби тарафҳо оид ба анҷом расонидани расмиёти дохилидавлатӣ, ки барои эътибор пайдо кардани ин Созишнома зарур аст, эътибор пайдо мекунад”-омадааст, дар иттилоияи Вазорати корҳои хориҷӣ.