СИЁСАТ
Ҷумъа 19 Апрел 2024 10:44
Ҷавонони ноҳияи Ишкошим дар сатҳи Вилояти Мухтори Кӯҳистони Бадахшон аввалин шуда, дар бунёди муассисаҳои таҳсилоти миёнаи умумӣ аз ҳисоби худ иқдом карда, инчунин дар сохтмони чандин иншооти варзишӣ саҳми муносиб доранд. Оид ба ин ва дигар корҳои ободонию созандагӣ, рушди соҳаҳои сайёҳию кишоварзии ноҳия бо узви Маҷлиси миллии Маҷлиси Олии Ҷумҳурии Тоҷикистон, раиси ноҳияи Ишкошим Мирзозода Мӯсо Одинамуҳаммад суҳбат оростем, ки фишурдаи онро пешкаши хонандагон менамоем.
- Дар ибтидои суҳбат мегуфтед, ки дар ноҳия омодагӣ ба ҷашни 30 – солагии Истиқлолияти давлатии Ҷумҳурии Тоҷикистон дар кадом сатҳ қарор дорад?
- Бо мақсади сазовор пешвоз гирифтани ин ҷашни бузурги миллӣ дар асоси Амри Президенти Ҷумҳурии Тоҷикистон таҳти № 1059 аз 20 майи соли 2018 дар ноҳия як қатор корҳо пиёда шуданд. Дар заминаи ин амр нақшаи чорабиниҳо тартиб дода шуда, аз 76 банд иборат аст. Ба ҳолати имрӯза тибқи 60 банди он корҳо оғоз шуда, 31 банди он пурра иҷро гардиданд. Яъне, дар доираи амри Пешвои миллат як қатор корҳои созандагию бунёдкорӣ дар сатҳи ҷамоату деҳоти ноҳия роҳандозӣ гашта, сохтмони иншоотҳои махсуси иҷтимоӣ – иқтисодӣ ва фарҳангӣ бомаром идома дорад.
Ҳамзамон, дар марказҳои ҷамоатҳо қитъаи замин барои иншооти мавриди ниёзи мардум, аз қабили бунгоҳи тиббӣ, ҳаммом, кошонаи ҳусн, мағозаҳо ва ғайра ҷудо гардида, корҳои сохтмонӣ аз аввали фасли баҳор оғоз мешаванд.
- Ба соҳаи кор бо ҷавонон ва варзиш дар ноҳия чӣ гуна таваҷҷуҳ зоҳир мешавад?
- Маълум аст, ки соҳаи кор бо ҷавонон ва варзиш дар меҳвари таваҷҷуҳи Пешвои муаззами миллат муҳтарам Эмомалӣ Раҳмон қарор дорад. Дар асоси дастуру супориши бевоситаи Сарвари давлат сохтмони варзишгоҳи замонавӣ барои 4000 ҷойи нишаст дар маркази ноҳия ҳанӯз аз соли 2018 оғоз гардида, ба ҳолати имрӯза 28 фисади корҳои сохтмонӣ ба анҷом расид, ки он ҳам яке аз иншоотҳои ҷашнӣ мебошад.
Инчунин, дар ҳамкорӣ бо ҳамватанони бурунмарзӣ ва шахсони саховатпешаву накӯкор дар 12 деҳаи ноҳия сохтмони майдончаҳои муосири варзишӣ оғоз гардид. То ҷашни Истиқлолияти давлатӣ дар ҷамоати Зонг ду майдончаи варзишӣ, ҷамоати Шитхарв як майдонча ва ҷамоати Рустамбек Юсуфбеков ду майдончаи варзишӣ ба истифода дода мешавад. Ҳамзамон, сохтмони чунин иншоот дар ҷамоатҳои Қозидеҳ ва Аскар Замиров ҳам ба нақшаи умумии иншооти ҷашнӣ дароварда шудааст.
Ҳамкории судманди дигар бо ҷавонон дар самти бунёди муассисаҳои таълимӣ мебошад. Шояд ин аввалин иқдом дар сатҳи ВМКБ бошад. Зеро маҳз ҷавонони ноҳия, аз ҳисоби маблағи худ муассисаҳои таҳсилоти миёнаи умумӣ месозанд. Масалан, ба ҳолати имрӯза ҷавонони деҳаи Дашти ҷамоати Рустамбек Юсуфбеков дар деҳа як муассисаи таълимиро бунёд намуданд, ки давоми сол 88 фисади корҳои сохтмонӣ ба маблағи қариб 670 ҳазор сомонӣ дар он ба итмом расонида шудааст. Бар замми ин, ҷавонони деҳаи Намадгути ҷамоати болозикр мактаби ҳамин деҳаро азнавсозӣ карда, чор синфхонаи иловагиро сохтанд, ки ин иншоот низ то ҷашни 30-солагӣ мавриди баҳрабардорӣ қарор мегирад.
- Албатта, соҳаи сайёҳии кишварро бе Ишкошим тасаввур карда намешавад…
- Бале. Айни замон ноҳияро бо чашмаҳои гарму шифобахш, обҳои минералӣ ва мазеъҳои таърихию ҷолибу тамошобоб ҷаҳон мешиносад. Дар самти рушди соҳа як қатор корҳо аллакай пиёда гардида, се чашмаи гарми шифобахш, аз қабили “Гармчашма”, “Авҷ” ва “Бибифотимаи заҳро” бо тамоми инфрасохтори мавҷуда ба сайёҳон хизмат мерасонанд. Инчунин, дар оянда ният дорем, ки барои чор чашмаи дигар, “Ширгин”, “Зонг” “Ҳисор” ва чашмаи “Гарм” инфрасохторӣ зарурӣ бунёд намоем. Яъне, ҳамаи чашмаҳои болозикр хусусиятҳои табобатии худро доранд.
Феълан, бо дастгирии Ҳукумати кишвару раиси вилоят ва маблағгузории Бонки умумиҷаҳонӣ соҳибкороне, ки дар самти сайёҳӣ фаъолият менамоянд, то соли 2024 дастгирӣ карда мешаванд.
Инчунин, барои барқарорсозӣ ва тармими қалъаи Ямчун аз тарафи бонки мазкур 40 миллион сомонӣ ҷудо гардид, ки ин ҳам як такони ҷиддӣ баҳри рушди соҳа дар ноҳия аст. Дар ҳамкорӣ бо созмони “Global Partners” сохтмони чор ҳоҷатхонаи типи нав дар мавзеъҳои сарироҳии ноҳия ба мисли Систу Ширгин ва мавзеи ҷангалзори Нархун идома дорад.
- Дар бобати татбиқи ҳадафи чоруми стратегии кишвар – саноатикунонии босуръат кадом тадбирҳо рӯи кор омаданд?
- Соҳаи саноат дар ноҳияи Ишкошим асосан энергетика мебошад. Ягона корхонаи саноатӣ дар ноҳия, ин неругоҳи барқи обии ба номи Некқадам Отамбеков аст, ки ҳоло фаъолияти хуб дорад. Вале соли 2019 бо сабаби камборишӣ, албатта реҷаю маҳдудиятҳо ҷорӣ шуда, сокинони ноҳия фасли сарморо бо мушкилӣ паси сар намуданд. Ғайр аз ин, неругоҳи барқи обии хурди “Ямчун” бо иқтидори 160 киловатт – соат фаъолият дорад.
Дар ин росто дар оянда ният дорем, боз чанд корхонаи саноатӣ дар заминаи минтақаи озоди иқтисодии “Ишкошим”, ба мисли корхонаи коркарди мармар, талки Мулвоҷ ва кони овозадори “Лаъл”-ро мавриди корбурд қарор диҳем. Дар ин самт дар ҳамкорӣ бо Вазорати саноат ва технологияҳои нави Ҷумҳурии Тоҷикистон тасмим дорем, ки ҳарчи тезтар канданиҳои фоиданоки ноҳияро ба кор дарорем.
Бар замми ин, корхонаҳои хурди саноатӣ, аз қабили коргоҳҳои дару тирезаҳои чӯбиву пластикӣ, корхонаи мебелсозӣ ва истеҳсоли дастпӯшак дар маркази ноҳия ва 9 коргоҳи хишти сементӣ дар марказу дигар ҷамоатҳои Ишкошим бомаром кору фаъолият доранд.
- Ба соҳаи кишоварзӣ чӣ гуна диққат зоҳир мегардад. Ояндаи наздик дар ин самт кадом корҳо роҳандозӣ мешаванд?
- Бо дарназардошти он ки амнияти озуқаворӣ ҳам яке аз ҳадафҳои стратегии Ҳукумати Ҷумҳурии Тоҷикистон ба шумор меравад, дар ин раванд ба соҳаи кишоварзӣ афзалият медиҳем. Зеро шуғли асосии мардуми ноҳия зироаткорию чорводорӣ аст.
Пешвои муаззами миллат ҳам дар Паёми ахири худ ба Маҷлисӣ Олии мамлакат таъкид карданд, ки “Дар шароити зудтағйирёбанда ва вазъи шиддатноки ҷаҳони муосир мо бояд, қабл аз ҳама, ба иқтидору имкониятҳои дохилии кишвар такя карда, барои рушди устувори иқтисодӣ, ҳифзи амнияти озуқаворӣ ва ҳимояи саломатии шаҳрвандон боз ҳам бештар талош намоем”.
Соли 2020 дар ин самт иловатан зиёда аз 20 гектар заминҳоро ба гардиши кишоварзӣ даровардем. Аз ҷумла, масоҳати кишти картошка ба 356 гектар расонида шуд. Бо дастгирии Барномаи ҷонибдории инкишофи иҷтимои манотиқи кӯҳистон ба ноҳия тухмии навъи “Бигроза” оварда шуда, он воқеан самараи дилхоҳ дод. Яъне, ҳосилнокӣ имрӯз пеш аз ҳама ба тухмии хушсифат рабт дорад. Имсол ҳам барои ин моро лозим аст, ки дар ин самт аз ҳарвақта бештар корҳоро ҷоннок намоем.
- Дар ибтидои суҳбат мегуфтед, ки дар ноҳия омодагӣ ба ҷашни 30 – солагии Истиқлолияти давлатии Ҷумҳурии Тоҷикистон дар кадом сатҳ қарор дорад?
- Бо мақсади сазовор пешвоз гирифтани ин ҷашни бузурги миллӣ дар асоси Амри Президенти Ҷумҳурии Тоҷикистон таҳти № 1059 аз 20 майи соли 2018 дар ноҳия як қатор корҳо пиёда шуданд. Дар заминаи ин амр нақшаи чорабиниҳо тартиб дода шуда, аз 76 банд иборат аст. Ба ҳолати имрӯза тибқи 60 банди он корҳо оғоз шуда, 31 банди он пурра иҷро гардиданд. Яъне, дар доираи амри Пешвои миллат як қатор корҳои созандагию бунёдкорӣ дар сатҳи ҷамоату деҳоти ноҳия роҳандозӣ гашта, сохтмони иншоотҳои махсуси иҷтимоӣ – иқтисодӣ ва фарҳангӣ бомаром идома дорад.
Ҳамзамон, дар марказҳои ҷамоатҳо қитъаи замин барои иншооти мавриди ниёзи мардум, аз қабили бунгоҳи тиббӣ, ҳаммом, кошонаи ҳусн, мағозаҳо ва ғайра ҷудо гардида, корҳои сохтмонӣ аз аввали фасли баҳор оғоз мешаванд.
- Ба соҳаи кор бо ҷавонон ва варзиш дар ноҳия чӣ гуна таваҷҷуҳ зоҳир мешавад?
- Маълум аст, ки соҳаи кор бо ҷавонон ва варзиш дар меҳвари таваҷҷуҳи Пешвои муаззами миллат муҳтарам Эмомалӣ Раҳмон қарор дорад. Дар асоси дастуру супориши бевоситаи Сарвари давлат сохтмони варзишгоҳи замонавӣ барои 4000 ҷойи нишаст дар маркази ноҳия ҳанӯз аз соли 2018 оғоз гардида, ба ҳолати имрӯза 28 фисади корҳои сохтмонӣ ба анҷом расид, ки он ҳам яке аз иншоотҳои ҷашнӣ мебошад.
Инчунин, дар ҳамкорӣ бо ҳамватанони бурунмарзӣ ва шахсони саховатпешаву накӯкор дар 12 деҳаи ноҳия сохтмони майдончаҳои муосири варзишӣ оғоз гардид. То ҷашни Истиқлолияти давлатӣ дар ҷамоати Зонг ду майдончаи варзишӣ, ҷамоати Шитхарв як майдонча ва ҷамоати Рустамбек Юсуфбеков ду майдончаи варзишӣ ба истифода дода мешавад. Ҳамзамон, сохтмони чунин иншоот дар ҷамоатҳои Қозидеҳ ва Аскар Замиров ҳам ба нақшаи умумии иншооти ҷашнӣ дароварда шудааст.
Ҳамкории судманди дигар бо ҷавонон дар самти бунёди муассисаҳои таълимӣ мебошад. Шояд ин аввалин иқдом дар сатҳи ВМКБ бошад. Зеро маҳз ҷавонони ноҳия, аз ҳисоби маблағи худ муассисаҳои таҳсилоти миёнаи умумӣ месозанд. Масалан, ба ҳолати имрӯза ҷавонони деҳаи Дашти ҷамоати Рустамбек Юсуфбеков дар деҳа як муассисаи таълимиро бунёд намуданд, ки давоми сол 88 фисади корҳои сохтмонӣ ба маблағи қариб 670 ҳазор сомонӣ дар он ба итмом расонида шудааст. Бар замми ин, ҷавонони деҳаи Намадгути ҷамоати болозикр мактаби ҳамин деҳаро азнавсозӣ карда, чор синфхонаи иловагиро сохтанд, ки ин иншоот низ то ҷашни 30-солагӣ мавриди баҳрабардорӣ қарор мегирад.
- Албатта, соҳаи сайёҳии кишварро бе Ишкошим тасаввур карда намешавад…
- Бале. Айни замон ноҳияро бо чашмаҳои гарму шифобахш, обҳои минералӣ ва мазеъҳои таърихию ҷолибу тамошобоб ҷаҳон мешиносад. Дар самти рушди соҳа як қатор корҳо аллакай пиёда гардида, се чашмаи гарми шифобахш, аз қабили “Гармчашма”, “Авҷ” ва “Бибифотимаи заҳро” бо тамоми инфрасохтори мавҷуда ба сайёҳон хизмат мерасонанд. Инчунин, дар оянда ният дорем, ки барои чор чашмаи дигар, “Ширгин”, “Зонг” “Ҳисор” ва чашмаи “Гарм” инфрасохторӣ зарурӣ бунёд намоем. Яъне, ҳамаи чашмаҳои болозикр хусусиятҳои табобатии худро доранд.
Феълан, бо дастгирии Ҳукумати кишвару раиси вилоят ва маблағгузории Бонки умумиҷаҳонӣ соҳибкороне, ки дар самти сайёҳӣ фаъолият менамоянд, то соли 2024 дастгирӣ карда мешаванд.
Инчунин, барои барқарорсозӣ ва тармими қалъаи Ямчун аз тарафи бонки мазкур 40 миллион сомонӣ ҷудо гардид, ки ин ҳам як такони ҷиддӣ баҳри рушди соҳа дар ноҳия аст. Дар ҳамкорӣ бо созмони “Global Partners” сохтмони чор ҳоҷатхонаи типи нав дар мавзеъҳои сарироҳии ноҳия ба мисли Систу Ширгин ва мавзеи ҷангалзори Нархун идома дорад.
- Дар бобати татбиқи ҳадафи чоруми стратегии кишвар – саноатикунонии босуръат кадом тадбирҳо рӯи кор омаданд?
- Соҳаи саноат дар ноҳияи Ишкошим асосан энергетика мебошад. Ягона корхонаи саноатӣ дар ноҳия, ин неругоҳи барқи обии ба номи Некқадам Отамбеков аст, ки ҳоло фаъолияти хуб дорад. Вале соли 2019 бо сабаби камборишӣ, албатта реҷаю маҳдудиятҳо ҷорӣ шуда, сокинони ноҳия фасли сарморо бо мушкилӣ паси сар намуданд. Ғайр аз ин, неругоҳи барқи обии хурди “Ямчун” бо иқтидори 160 киловатт – соат фаъолият дорад.
Дар ин росто дар оянда ният дорем, боз чанд корхонаи саноатӣ дар заминаи минтақаи озоди иқтисодии “Ишкошим”, ба мисли корхонаи коркарди мармар, талки Мулвоҷ ва кони овозадори “Лаъл”-ро мавриди корбурд қарор диҳем. Дар ин самт дар ҳамкорӣ бо Вазорати саноат ва технологияҳои нави Ҷумҳурии Тоҷикистон тасмим дорем, ки ҳарчи тезтар канданиҳои фоиданоки ноҳияро ба кор дарорем.
Бар замми ин, корхонаҳои хурди саноатӣ, аз қабили коргоҳҳои дару тирезаҳои чӯбиву пластикӣ, корхонаи мебелсозӣ ва истеҳсоли дастпӯшак дар маркази ноҳия ва 9 коргоҳи хишти сементӣ дар марказу дигар ҷамоатҳои Ишкошим бомаром кору фаъолият доранд.
- Ба соҳаи кишоварзӣ чӣ гуна диққат зоҳир мегардад. Ояндаи наздик дар ин самт кадом корҳо роҳандозӣ мешаванд?
- Бо дарназардошти он ки амнияти озуқаворӣ ҳам яке аз ҳадафҳои стратегии Ҳукумати Ҷумҳурии Тоҷикистон ба шумор меравад, дар ин раванд ба соҳаи кишоварзӣ афзалият медиҳем. Зеро шуғли асосии мардуми ноҳия зироаткорию чорводорӣ аст.
Пешвои муаззами миллат ҳам дар Паёми ахири худ ба Маҷлисӣ Олии мамлакат таъкид карданд, ки “Дар шароити зудтағйирёбанда ва вазъи шиддатноки ҷаҳони муосир мо бояд, қабл аз ҳама, ба иқтидору имкониятҳои дохилии кишвар такя карда, барои рушди устувори иқтисодӣ, ҳифзи амнияти озуқаворӣ ва ҳимояи саломатии шаҳрвандон боз ҳам бештар талош намоем”.
Соли 2020 дар ин самт иловатан зиёда аз 20 гектар заминҳоро ба гардиши кишоварзӣ даровардем. Аз ҷумла, масоҳати кишти картошка ба 356 гектар расонида шуд. Бо дастгирии Барномаи ҷонибдории инкишофи иҷтимои манотиқи кӯҳистон ба ноҳия тухмии навъи “Бигроза” оварда шуда, он воқеан самараи дилхоҳ дод. Яъне, ҳосилнокӣ имрӯз пеш аз ҳама ба тухмии хушсифат рабт дорад. Имсол ҳам барои ин моро лозим аст, ки дар ин самт аз ҳарвақта бештар корҳоро ҷоннок намоем.
Хабарҳои дигар
Рӯзнома
Эзоҳи худро нависед