СИЁСАТ
Душанбе 24 Сентябр 2018 06:34
680
Дирӯз, 9-март дар Донишогҳи давлатии тибии Тоҷикистон ба номи Абуали Ибни Сино мулоқоти Аҳтам Абдуллозода Раиси Кумитаи ҷавонон, варзиш ва сайёҳии назди Ҳукумати ҷумҳурӣ бо донишҷӯёну устодон ва ҷавонони фаъол баргузор гардид.

Зимни мулоқот Аҳтам Абдуллозода, Раиси Кумитаи ҷавонон, варзиш ва сайёҳии назди Ҳукумати ҷумҳурӣ, доир ба Паёми Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олӣ, тағйиру иловаҳо ба Конститутсия мамлакат ва масъалаҳои ҳаётии ҷавонон суханронӣ намуда, иброз дошт, ки Паёми Президенти кишвар ба Маҷлиси Олӣ фарогири тамоми соҳаҳои хоҷагии халқ буда, нақшаҳои фаъолиятро барои як соли минбаъда муайян менамояд. Тасмими ворид намудани тағйиру иловаҳо маҳз ба хотири пешрафту шукуфоии мамлакат ва ҳифзи ҳуқуқу озодиҳои шаҳрвандон рӯи даст гирифта шудааст.

Дар вохӯрӣ инчунин аз қаҳрамониҳои афсарону сарбозони тоҷик дар таъмини амният ёдоварӣ шуда, аз ҷавонону донишҷӯён даъват ба амал оварда шуд, ки дар баробари аз бар намудани илму донишҳои муосир, ҳамзамон, ҳамеша баҳри ҳифзу ҳимояи Ватани азизамон омода бошанд.
“Имрӯз аз ҷониби Ҳукумати мамлакат ва бевосита Президенти мамлакат, муҳтарам Эмомалӣ Раҳмон тамоми шароитҳои зарурӣ баҳри ҷавонон муҳайё гардида, танҳо аз ҷавонон дониши баланд тақозо карда мешавад, то онҳо омӯзанду баҳри шукуфоии ватани азизамон саҳим бошанд”,- таъкид намуд дар идомаи суҳбат Аҳтам Абдуллозода.




 Раиси Кумита дар баромади хеш ҷавононро ба ватанпарастию меҳнатдӯстӣ ва ҳифзи арзишҳои миллӣ даъват намуда, изҳор дошт, ки танҳо мутахассисони сатҳи баланд ва касбӣ метавонанд ҳам дар дохил ва ҳам дар хориҷа соҳиби касб гарданд.

Дар фарҷом табибони оянда якдилона ҳамовозии хешро аз ворид гардидани тағйиру иловаҳо ба Конститутсия баён сохта, зикр намуданд, ки баҳри дар амал татбиқ гардидани сиёсати пешгирифтаи ҳукумати мамлакат ва дар пешрафти ин кишвари биҳиштосо саҳми арзандаи хешро хоҳанд гузошт.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Сентябр 2018 c.