Бо Фармони Президенти Федератсияи Русия Владимир Путин Маҳмадсаид Убайдуллоев, раиси Маҷлиси миллии Маҷлиси Олии Ҷумҳурии Тоҷикистон, ҳамзамон раиси шаҳри Душанбе бо Ордени “Дӯстӣ” мушарраф гардонида шуд.

Онро Валентина Матвиенко, раиси Шӯрои Федератсияи Русия дар доираи Форуми 5-уми байнипарлумонии Тоҷикистону Русия, ки дирӯз, 13 октябр, дар шаҳри Душанбе доир гашт, ба М. Убайдуллоев супорид.

Маҳмадсаид Убайдуллоев орденро барои саҳми бузург гузоштан ва дар хориҷи Русия паҳн намудани маълумот дар бораи мероси таърихиву фарҳангии Русия ва мусоидат кардан дар муносибатҳои байналмилалию башардӯстона соҳиб гаштааст.

Чунин орден, ҳамчунин ба як қатор нафарони дигар аз кишварҳои гуногун тақдим гаштааст.