СИЁСАТ
Якшанбе 25 Феврал 2018 09:12
3728
ПАРЧАМИ КОВАЁНӢ

Сафи ба саф бародарон,
Ба зери боли парчамем.
Ба ҳам ҳамеша дӯст, дӯст,
Ба ҳам ҳамеша ҳамдамем.

Зи Кова парчам аст ёд,
Барои халқ умрбод.
Намози Сулҳ хондаем,
Ба пои парчами мурод.

Агар, ки нест парчамат,
Ватан, ту бенишонаӣ.
Ватан, Ватан, ба парчамат
Ту зеби сад фасонаӣ.

Зи Кова парчам аст ёд,
Барои халқ умрбод.
Намози Сулҳ хондаем,
Ба пои парчами мурод.

Барори кор, халқи ман,
Ба парчамат равон туӣ.
Ҳазорсолаҳо бизӣ,
Зи насли ориён туӣ.

Зи Кова парчам аст ёд,
Барои халқ умрбод.
Намози Сулҳ хондаем,
Ба пои парчами мурод.

ИҶЛОСИЯ

(Ба муносибати 25-солагии Иҷлосияи 16-уми тақдирсоз)

Иҷлосия,Иҷлосия,
Эй бистари аз боли қу.
Баҳри бароҳат зистан
Додӣ ба мо рӯи накӯ.

Дар оташи кин оҳ,оҳ,
Пеш аз нумӯят сӯхтем.
Дилро, ки аз ғам чок буд,
Бо риштаҳоят дӯхтем.

Ғамхори миллат Пешво,
Дар ту ба рӯи тахт шишт.
Дар марз-марзи синаҳо
Тухми муҳаббатро бикишт.

Бояд, ки номатро Зафар
Мемонд он дам халқӣ ман.
Як умр, эй Иҷлосия,
Шаҳди ту дорад ҳалқи ман.

Иҷлосия,Иҷлосия,
Эй бистари аз боли қу.
Баҳри бароҳат зистан
Додӣ ба мо рӯи накӯ.

Нуруллоҳи ОРИФ


ПЕШВОИ МИЛЛАТ

 Эй Пешвои миллат, эй раҳнамои миллат,
Бо ту баланд гашта, ин дам садои миллат.
Миллат зи ту амон ёфт, ҳам қуввату тавон ёфт,
Эй кош, бошӣ умре мушкилкушои миллат.
Сарсабз Тоҷикистон, ҳар гушааш гулистон,
Бо ту намехалад ҳеҷ хоре ба пойи миллат.
Дарди миллат фузун буд, бечораву забун буд,
Ҳамчу табиби ҳозиқ гаштӣ давои миллат.
Ин нукта гуфт Умедҷон, дар шони роҳбари хеш,
Ҳастию боз монӣ, ту Пешвои миллат.

Умедҷон ЗАРИФОВ, донишҷӯи курси 2-и факултаи филологияи тоҷик, ДДХ ба номи М. Назаршоев

ВАТАН

Ватан, ту модари ҷони ман астӣ,
Ватан, бар дард дармони ман астӣ.
Чи сон бо ту наболам, ё нафахрам,
Гулафшон Тоҷикистони ман астӣ.

Ба боғу роғ гулҳоят чи зебо,
Навои андалебонат чи зебо.
Бимолам гарди хокатро ба дида,
Бароям резасангонат чу тилло.

Биё, эй ҳамватан, мо тоҷиконем,
Нишон аз Оли Сомон, Ориёнем.
Ба коре пайрави Эмоми Раҳмон
Агар бошем, асло дар намонем.

ТОҶИКИСТОНИ МАН

Сарзамини меҳрпарвар Тоҷикистони ман аст,
Решаи хораш ба ҳар як дард дармони ман аст.
Ҷонфидо ҳастам барояш, ҳарчи мехоҳад зи ман,
Хизмати Модар-Ватан, як амри виҷдони ман аст.

КАНОРИ ВАТАН

Болишти пари қуям канори Ватан аст,
Сарсабз ҳама рӯз баҳори Ватан аст.
Бо нағмаи чангу тор дар синаи ман
Ин дил ба Худо, ки дӯстдори Ватан аст.

ТОБИШИ РУХСОР

Тобиши рухсори ӯ моро басо девона кард,
Наргиси шаҳлои ӯ моро зи худ бегона кард.
Шиква кардам ман зи вай пеши яке донои вақт,
Гуфт: Ин иллат маро дилбастаи паймона кард.
З-ӯ раҳо гашта, ба Маҷнун ҳам сухан гуфтам чунин,
Гуфт: Ӯ Лайлист, манро ҳам бубин, бехона кард.
Интиҳои ишқ гуфтам, то куҷо раҳ мебарад,
Ӯ ҳама розу ниёзамро ба халқ афсона кард.

Саидбурҳони РАҶАБАЛӢ, хонандаи синфи 10, МТМУ №5-и ноҳияи Шамсиддини ШОҲИН

Эзоҳи худро нависед



Рамзҳо дар расм

соли ҷавононн

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 1 2 3 4

Феврал 2018 c.