17 июн таҳти раёсати раси Маҷлиси намояндагони Маҷлиси Олии Ҷуммҳурии Тоҷикистон Зокирзода Маҳмадтоир Зоир, ҷаласаи навбатии Маҷлиси намояндагони Маҷлиси Олии Ҷумҳурии Тоҷикистон даъвати шашум баргузор гардид.

Дар ҷаласаи мазкур оид ба лоиҳаи чанде аз созишномаҳои дахлдор қарорҳои марбута қабул гардид, ки онҳо дар соҳаҳои тиббӣ, ҳавоӣ ва нақлиётӣ ба ғоят бузург арзёбӣ мегарданд.

Яке аз он созишномаҳо, ин Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Фаронса оид ба алоқаи ҳавоӣ мебошад, ки ҷиҳати рушди соҳаи нақлиёти ҳавоӣ метавонад мусоидат намояд.

Дар ҷаласаи имрӯзаи МНМОҶТ оид ба лоиҳаи ин қонун директори Агентии авиатсияи граждании назди Ҳукумати Ҷумҳурии Тоҷикистон Субҳонзода Икром баромад карда, иброз доштанд, ки ҷиҳати амалӣ намудани супоришу дастурҳои Сарвари кишвар баҳри ба кишвари транзитӣ табдил додани Ҷумҳурии Тоҷикистон, ҷалби бештари сайёҳон, афзоиш додани ҷуғрофияи парвозҳо, афзоиш додани хизматрасонӣ ба мусофирон тариқи нақлиёти ҳавоӣ ва дар заминаи эълон гардидани солҳои 2019-2021 “Солҳои рушди деҳот, сайёҳӣ ва ҳунарҳо мардумӣ”, инчунин ҷиҳати иҷрои банди 21-и протоколи маҷлиси Ҳукумати Ҷумҳурии Тоҷикистон таҳти №1 аз 21-уми январи соли 2019 Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Франсия оид ба алоқаи ҳавоӣ, таҳия карда шуда, бо вазорату идораҳои дахлдор мувофиқа гардидааст.

Ҳамчунин Субҳонзода Икром зикр намуданд, ки созишномаи мазкур метавонад, дар ҷалби сайёҳон ва сармоягузорон аз Иттиҳоди Аврупо заминаи хуб фароҳам оварад. То ин дам Ҷумҳурии Тоҷикистон бо 26 давлати ҷаҳон созишнома оид ба алоқаҳои ҳавоиро ба имзо расонида, созишномаи ҳавоӣ байни давлати Фаронса 27-умин давлат ба ҳисоб меравад.

Лозим ба тазаккур аст, ки пас аз ба имзо расидаини созишномаи мазкур 8 парвоз дар як ҳафта аз ҷониби Ҷумҳурии Тоҷикистон ва ҳам аз ҷониби Ҷумҳурии Фаронса ба роҳ монда мешавад.