СИЁСАТ
Сешанбе 27 Сентябр 2022 03:21
8372
Латифи Пидром, раиси ҳизби Конгресси миллии Афғонистон дар саҳифаи фейсбукиаш навиштааст, ки Тоҷикистон ба ҳайси кишвари ҳамзабон ва ҳамфарҳанг бо Афғонистон, метавонад нақши бисёр муҳим ва муссире дар таъмини сулҳу субот дар Афғонистон дошта бошад.

Ӯ афзудааст, ки наметавон нақши муассир ва корсози Тоҷикистонро дар ҳалли буҳронҳои минтақавӣ нодида гирифт.

“Ҷумҳурии Тоҷикистон бо таваҷҷӯҳ ба мавзеъгириҳои инсонӣ ва башардӯстона ва мутобиқ ба меъёрҳои байналмиллалӣ дар робита ба бӯҳрони мавҷуди Афғонистон ҷойгоҳи баландеро ба даст овардааст”, - навиштааст Латифи Пидром.

Дар идома Пидром гуфтааст, ки “ҷунбиши муқовимат бо номи тоҷикон гиреҳ хӯрдааст. Тоҷикон ҳам акнун дар сафи аввали набард ба муқобили Толибон ва ишғолгарон қарор доранд”.

Ба гуфтаи сиёсатмадор, гиреҳ хӯрдани муқовимат ба номи тоҷикон ба ин маънӣ нест, ки аз ақвоми дигар дар ҷабҳаи муқовимат вуҷуд надорад ва тоҷикон фақат аз манотиқи тоҷикон дифоъ мекунанд.

“Ин ҷунбиш барои истиқлоли кишвар ва баробарии ҳамаи ақвом дар як сохтори ҷадиди сиёсӣ мубориза мекунад. Ҳадафҳои ин ҷунбиш умумӣ ва ҳамашумул аст”, - таъкид доштааст ӯ.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Сентябр 2022 c.