Имрӯз собиқ сармуҳаррири рӯзномаи “Ҷавонони Тоҷикистон” Талъат Нигорӣ дар солҳои 1988-1990 ба суроғи “Пири диҷавон” омад.

Китоби “Пири дилҷавон”, ки бахшида ба 90-солагии рӯзномаи “Ҷавонони Тоҷикистон” рӯи чоп омадааст, инчунин нашри махсуси рӯзномаи мазкур, ки 90 саҳифаро дар бар мегирад, аз ҷониби муовини сармуҳаррири рӯзномаи “Ҷавонони Тоҷикистон” ба Талъат Нигорӣ тақдим гардид.

Китоб ва шумораи махсуси рӯзномаро собиқ сармуҳаррири рӯзнома Талъат Нигорӣ пазируфта, аз тақдими китоб ва нашри махсуси рӯзнома ба роҳбарияти муассиса миннатдории хешро баён намуданд.

Лозим ба зикр аст, ки ин ҳама дар ҳошияи навадсолагии рӯзномаи “Ҷавонони Тоҷикистон” сурат гирифта, имсол аз таъсиси рӯзнома 90-сол пурра гардид.