СИЁСАТ
Шанбе 20 Июл 2024 02:31
10460
Раиси шаҳри Душанбе ва Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ дар робита ба ҳамлаи террористӣ дар шаҳрҳои Махачқалъа ва Дарбенти Ҷумҳурии Доғистони Федератсияи Русия ба Валентиа Матвиенко, раиси Шурои Федератсия Русия ва Вячеслав Володин, раиси Думаи давлатии ин кишвар барқияҳои изҳори тассалӣ ирсол намуданд.

Дар ин бора аз шабакаи телеграмии раиси шаҳри Душанбе хабар доданд.

Раиси Маҷлиси миллии Маҷлиси Олии Ҷумҳурии Тоҷикистон дар барқияи худ навиштааст, ки хабари марги даҳҳо нафар бар асари як ҳамлаи террористӣ дар Ҷумҳурии Доғистон ӯро сахт андӯҳгин кардааст.

“Аз номи худ ва аз номи аъзои Маҷлиси миллии Маҷлиси Олии Тоҷикистон ба Шумо, инчунин, ба ҳамаи наздикону пайвандони кормандони ҳифзи ҳуқуқ ва шаҳрвандони осоиштае, ки дар натиҷаи ҳамлаҳои ваҳшиёнаи террористӣ дар шаҳрҳои Махачқалъа ва Дарбанд ба ҳалокат расиданд, тасаллияти амиқ баён мекунам”.

Раиси шаҳри Душанбе ба ҷароҳатбардоштагону осебдидагон шифои оҷилро таманно намудааст.

Ёдовар мешавем, ки чанде пеш раисҷумҳури Тоҷикистон ба ҳамтои рус Владимир Путин барқияи изҳори тассалӣ равон карда буданд, ки дар он ҳамлаи террористӣ дар Доғистонро қатъиян маҳкум карда буданд.

Эзоҳи худро нависед



Рамзҳо дар расм