Тавре қаблан хабар дода будем, имрӯз - 3 апрел Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо мақсади иштирок дар Ҳамоиши сарони давлатҳои “Осиёи Марказӣ – Иттиҳоди Аврупо” ба шаҳри Самарқанди Ҷумҳурии Узбекистон сафар карданд.

Пешвои миллат бо ҳайати расмии Ҷумҳурии Тоҷикистон аллакай вориди шаҳри Самарқанди Ҷумҳурии Узбекистон шуда, аз ҷониби намояндагони баландпояи Ҳукумати Ҷумҳурии Узбекистон пазироӣ шуданд.

Тавре www.president.tj менависад, дар фурудгоҳи байналмилалии шаҳри Самарқанд Сарвари давлат муҳтарам Эмомалӣ Раҳмонро Сарвазири Ҷумҳурии Узбекистон Абдулло Орипов ва дигар намояндагони воломақоми Ҷумҳурии Узбекистон истиқбол гирифтанд.