Рӯзи 17 июн Сарвазири кишвар Қоҳир Расулзода ҷиҳати шиносоӣ бо рафти корҳои созандагӣ бахшида ба таҷлили 20-солагии Ваҳдати миллӣ ва ба истифода додани як чанд иншооти гуногун ба шаҳри Қӯрғонтеппа ташриф овард.
  
Сарваризи мамлакатро дар ин сафар раиси вилояти Хатлон Давлатшоҳ Гулмаҳмадзода, иҷрокунандаи вазифаи раиси шаҳри Қӯрғонтеппа Исмоилзода Абдуалим ва масъулини дахлдори мақомоти иҷроияи ҳокимияти давлатии вилоят ҳамроҳӣ намуданд.

Қоҳир Расулзода бо буридани лентаи рамзӣ ба фаъолияти бинои нави иловагии мақамоти прокуратураи вилоят, бинои нави факултети омӯзгории Донишгоҳи давлатии Қӯрғонтеппа ба номи Носири Хусрав дар маҳаллаи “Дӯстии халқҳо” оғоз бахшида, ба сохтмони бинои марказии маъмурии Донишгоҳи давлатии Қӯрғонтеппа ба номи Носири Хусрав санги асос гузоштанд ва барои дар муҳлати муайяншуда ба истифода додани иншооти мазкур ба масъулин маслиҳат ва дастурҳо доданд.

 Умед Мирзоев, “ҶТ”