Дар шашмоҳаи аввали соли 2023 сатҳи ҷинояткорӣ дар шаҳри Душанбе коҳиш ёфтааст. Дар ин бора 11 август Табарзода Ҷамшед, муовини аввали раиси шаҳри Душанбе зимни нишасти Мақомоти иҷроияи ҳокимияти давлатии шаҳри Душанбе иттилоъ дод.

Ӯ зикр кард, ки таҳлили фаъолияти мақомоии ҳифзи ҳуқуқ оид ба ҳолати ҷинояткорӣ дар ин давра нишон медиҳад, ки шумораи умумии ҷиноятҳои бақайдгирифташуда нисбат ба ҳамин давраи соли гузашта 2288 ҷиноят ё 7,1 фоиз кам мебошад.

- Мақомоти иҷроияи ҳокимияти давлатии шаҳри Душанбе раванди иҷрои қарору супоришҳои Ҳукумати Ҷумҳурии Тоҷикистон ва дигар чорабиниҳоеро, ки бевосита ба ин масъала нигаронида шудааст, таҳти назорати доимӣ қарор медиҳад",-иброз дошт Табарзода.

Инчунин зикр гардид, ки барои пешгирии ҷинояткории хонандагони мактаб низ корҳои назаррасе ба сомон расонида мешавад.

- Бо мақсади пешгирии содиршавии ҷиноятҳо аз ҷониби хонандагони муассисаҳои таҳсилоти миёнаи умумии пойтахт ва шомилшавии онҳо ба ҳизбу ҳаракатҳои ифротӣ 386 маротиба вохӯрии масъулин миёни хонандагон ва волидайни онҳо бо фарогирии 84,9 ҳазор нафар дар як қатор муассисаҳои таҳсилоти миёнаи умумӣ баргузор карда шуд,- илова намуд номбурда.

 Фарзонаи УМАРАЛӢ, “ҶТ”