СИЁСАТ
Шанбе 27 Апрел 2024 03:22
Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар самти тарбияи варзишии ҷавонон, ташвиқу тарғиби тарзи ҳаёти солим, оммавигардонии варзиш ва ба ин васила саҳм гузоштан дар рушди солимии ҷомеа аз рӯзҳои нахустини ба соҳаи роҳбарӣ қадам ниҳодан корҳои арзандаеро ба сомон расонидааст.
Маҳз бо ташаббусҳои созандаи ин роҳбари ҷавони кордон давоми ҳафт соли охир Душанбе ба як шаҳри варзишӣ табдил ёфтааст, ки борҳо мизбони мусобиқаҳои бунуфузи байналмилалӣ гардид. Пеш аз оне ки дар мавриди иншоотҳои бузурги варзишӣ ва баргузории мусобиқаҳои сатҳи байналмилалӣ бигӯем, метавон аз дастгириҳои охири муҳтарам Рустами Эмомалӣ ҷиҳати қадрдонии варзишгарон ҳарф зад. Иқдоми дастгирии варзишгарон аз ҷониби шаҳрдори ҷавон идомаи мантиқии сиёсати варзишпарваронаи Пешвои миллат мебошад, ки маншаъ мегирад аз таъсиси Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои байналмилалии варзишӣ, ки бо фармони Пешвои миллат муҳтарам Эмомалӣ Раҳмон аз 9 январи соли 2015, №328 рӯи кор омадааст. Варзиш бо ҷавонон тавъам аст. Зеро 90 фисади варзишгаронро ҷавонон ташкил медиҳанд. Шаҳрдори ҷавон бо иқдомҳои охири худ дар дили ҷавонон умед ва барои варзишгарон ҷасорату хотирҷамъиро ҳадя намуд. Баъди ин иқдомот ҷавонони мо бо завқ ба варзиш машғул мешаванду варзишгарон бо як ҷасорату хотири ҷамъ вориди майдон мегарданд, зеро онҳо медонанд, ки ҳар натиҷаашон подоши худро дорад.
Дастгириҳои арзишманду сутудании ин шаҳрдори ҷавон дар моҳи сентябри соли 2022 рӯи кор омад. Ин иқдом тақдими як хонаи нави дуҳуҷрагӣ бо тамоми шароити рӯзгор ба паҳлавони ҷавони тоҷик Нуралии Эмомалӣ барои пирӯзиаш дар Чемпионати ҷаҳон оид ба гӯштини дзюдо миёни ҷавонон буд. Ҳамчунин, бо қарори дигар ба Темур Раҳимов, паҳлавони шинохта ва узви яккачини дастаи мунтахаби Ҷумҳурии Тоҷикистон барои гирифтани ҷои якум ва ба даст овардани медали тилло дар мусобиқаи “Тоскулоҳи бузурги Боку 2022” (“Baku Grand Slam 2022”) хонаи дуҳуҷрагӣ дар пойтахт бо тамоми шароити рӯзгор ва ба Муллораҷаб Халифаев - дастпарвари “Мактаби махсуси варзишии захираҳои олимпии №6 оид ба намудҳои гӯштин”-и шаҳри Душанбе барои сазовор гардидан ба ҷои дуюм ва гирифтани медали нуқраи ҳамин мусобиқа 100 000 сомонӣ тақдим намуд. Инчунин, ба муштзани тоҷик, қаҳрамони ҷаҳон оид ба IBF (Федератсияи байналмилалии бокс) Шавкат Раҳимов низ калиди хонаи дуҳуҷрагӣ супорид.
То ба ин дастовардҳо шарафёб гардидани варзишгарони тоҷикро сабаб заминаи хуби инфрасохтори замонавии варзишӣ аст, ки солҳои охир дар шаҳри Душанбе сохта шуданд. Дар баробари он ки шуруъ аз соли 2017 дар тамоми маҳаллаҳои шаҳри Душанбе зиёда аз 279 майдончаи варзишӣ мавриди истифодаи сокинони пойтахт қарор дода шуд, бо қарори Раиси шаҳри Душанбе аз 16 январи соли 2018, №32 “Барномаи рушди футбол дар шаҳри Душанбе барои солҳои 2018 – 2021”, қарори Раиси шаҳри Душанбе аз 2 марти соли 2018, №151 “Барномаи рушди тарбияи ҷисмонӣ ва варзиш дар шаҳри Душанбе барои солҳои 2018 – 2021” ва дар марҳилаи дуюм “Барномаи рушди футбол дар шаҳри Душанбе барои солҳои 2022 – 2026” аз 14 апрели соли 2022, №179 ва бо қарори Раиси шаҳри Душанбе аз 14 апрели соли 2022, №178 “Барномаи рушди тарбияи ҷисмонӣ ва варзиш дар шаҳри Душанбе барои солҳои 2022- 2026” таҳияву тасдиқ гардиданд, ки таъминкунандаи оммавияти варзиш дар пойтахти кишварамон мебошанд.
Ҳамчунин, соли 2021 бо дастгирии бевоситаи Рустами Эмлмалӣ дар майдони 10 гектар Қасри теннис ва маҷмааи варзиши обӣ, ки ҷавобгӯ ба талаботи муосири байналмилалӣ мебошад, мавриди истифода қарор дода шуд. 13 сентябри соли 2022 бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ дар ноҳияи Синои пойтахт Маҷмаи муосири варзишию фароғатӣ, ки аз толори муҳташами варзишии “ЮФСИ ҶИМ” (UFC Gym) ва Академияи футболи “Ювентус” иборат аст, мавриди баҳрабардорӣ қарор дода шуд. Ин маҷмаъҳо намунае аз иншоотҳои варзишии шаҳри Душанбе мебошанд, ки таи 7 соли охир бунёд шудаанд.
Дастгириҳо дар самти сохтмони иншоотҳои бузург ва беназири варзишӣ имкон медиҳад, то пойтахти азизамон - шаҳри Душанбе на танҳо макони баргузории мусобиқаҳои сатҳи шаҳрӣ ва ҷумҳуриявӣ, балки ҳамчун маркази асосии баргузории мусобиқаҳои сатҳи байналмилалӣ муаррифӣ гардад.
Иқдоми дигари шоёни таҳсин, ки аз ҷониби шаҳрдори Душанбе дар пойтахт роҳандозӣ гардид, дар баробари мусобиқаҳои зиёди байналмилалӣ баҳри эҳёи гӯштини суннатии миллати тоҷик - гӯштингирӣ дар арафаи Наврӯзи байналмилалӣ гузаронидани мусобиқаи байналмилалӣ барои дарёфти Ҷоми раиси шаҳри Душанбе мебошад. Чор соли охир дар сатҳи баланд гузаронидани мусобиқаи мавриди назар сабаб гардид, ки ба ин намуди варзиши миллати тоҷик мақоми байналмилалӣ дода шавад. Дараҷаи байналмилалӣ дар Вазорати адлияи Швейтсария охирҳои моҳи декабри соли 2022 ба қайд гирифта шуда, гӯштини миллӣ соҳиби сертификати байналмилалӣ гардид. Байналмилалӣ шудани гӯштини миллии мо - гӯштингирӣ орзуи чандинсолаи собиқадорони соҳа ва тамоми мардуми варзишдӯсти тоҷик буд, ки баъди талошу заҳматҳои муҳтарам Рустами Эмомалӣ ҷомаи амал пӯшид.
Дар ин росто метавон гуфт, ки бо ибтикори бевоситаи шаҳрдори пойтахт 25-30 марти соли 2022 Душанбе маротибаи аввал мизбони Чемпионати Осиё оид ба велосипедронӣ дар шоҳроҳ буд. Инчунин баъди сохтмону баистифодадиҳии инфрасохтори замонавии варзишӣ ва талошҳои шаҳрдори Душанбе муҳтарам Рустами Эмомалӣ Федератсияи байналмилалии ҷудо ба хулоса омад, ки шуруъ аз соли 2023 шаҳри Душанбе чаҳор сол паиҳам (солҳои 2023-2026) мизбони мусобиқаи расмии “Тоскулоҳи бузург” (“Гран При”) шавад. Ва нахустин сабқатҳои “Гран При”-Душанбе аз 2-юм то 4-уми июн дар шаҳри Душанбе бо як шукӯҳу шаҳомат доир гардид, ки 40 кишвари ҷаҳонро гирди ҳам оварда буд. Дар рафти ифтитоҳи “Гран При-Душанбе-2023” муҳимияти онро барои варзиши кишвар муҳтарам Рустами Эмомалӣ ба таври зайл баён намуда буд:
“Итминон дорам, ки мусо-биқаи имрӯза дар сатҳи баланди ташкилӣ баргузор шуда, ба тарғиби тарзи ҳаёти солим, рушди варзиш дар кишвар, аз ҷумла ҷудо, кашфи варзишгарони ҷавону умедбахш мусоидат мекунад ва инчунин шаъну шарафи варзиши Тоҷикистонро боз ҳам баланд мебардорад. Боварӣ дорам, ки шумо тавассути варзиш ва мусобиқа ба ҷаҳон паёми қавии сулҳ, ҳамоҳангӣ ва дӯстӣ мефиристед. Дар хотима мехоҳам ҳайатҳои муҳтарамро ба Душанбе хайрамақдам гуфта, ба ҳамаи варзишгарон барор ва муваффақият таманно кунам”
Инчунин соли равон бо ташаббуси муҳтарам Рустами Эмомалӣ дар ҳамкорӣ бо Федератсия гӯштини миллӣ 27-уми июни соли равон дар пойтахти кишвар-шаҳри Душанбе нахус-тин Чемпионати Осиё оид ба “Гӯштингирӣ” баргузор гардид, ки дар он 30 кишвари қораи Осиё иштирок намуданд.
Бояд гуфт, ки баргузории мусобиқаҳои байналмилалӣ дар соли равон аз ташаббусҳои бевоситаи Рустами Эмомалӣ маншаъ гирифта, тавонист миллати тоҷикро ҳамчун миллати варзишгару варзишдӯст дар ақсои олам муаррифӣ намояд.
“Ҷавонони Тоҷикистон”
Маҳз бо ташаббусҳои созандаи ин роҳбари ҷавони кордон давоми ҳафт соли охир Душанбе ба як шаҳри варзишӣ табдил ёфтааст, ки борҳо мизбони мусобиқаҳои бунуфузи байналмилалӣ гардид. Пеш аз оне ки дар мавриди иншоотҳои бузурги варзишӣ ва баргузории мусобиқаҳои сатҳи байналмилалӣ бигӯем, метавон аз дастгириҳои охири муҳтарам Рустами Эмомалӣ ҷиҳати қадрдонии варзишгарон ҳарф зад. Иқдоми дастгирии варзишгарон аз ҷониби шаҳрдори ҷавон идомаи мантиқии сиёсати варзишпарваронаи Пешвои миллат мебошад, ки маншаъ мегирад аз таъсиси Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои байналмилалии варзишӣ, ки бо фармони Пешвои миллат муҳтарам Эмомалӣ Раҳмон аз 9 январи соли 2015, №328 рӯи кор омадааст. Варзиш бо ҷавонон тавъам аст. Зеро 90 фисади варзишгаронро ҷавонон ташкил медиҳанд. Шаҳрдори ҷавон бо иқдомҳои охири худ дар дили ҷавонон умед ва барои варзишгарон ҷасорату хотирҷамъиро ҳадя намуд. Баъди ин иқдомот ҷавонони мо бо завқ ба варзиш машғул мешаванду варзишгарон бо як ҷасорату хотири ҷамъ вориди майдон мегарданд, зеро онҳо медонанд, ки ҳар натиҷаашон подоши худро дорад.
Дастгириҳои арзишманду сутудании ин шаҳрдори ҷавон дар моҳи сентябри соли 2022 рӯи кор омад. Ин иқдом тақдими як хонаи нави дуҳуҷрагӣ бо тамоми шароити рӯзгор ба паҳлавони ҷавони тоҷик Нуралии Эмомалӣ барои пирӯзиаш дар Чемпионати ҷаҳон оид ба гӯштини дзюдо миёни ҷавонон буд. Ҳамчунин, бо қарори дигар ба Темур Раҳимов, паҳлавони шинохта ва узви яккачини дастаи мунтахаби Ҷумҳурии Тоҷикистон барои гирифтани ҷои якум ва ба даст овардани медали тилло дар мусобиқаи “Тоскулоҳи бузурги Боку 2022” (“Baku Grand Slam 2022”) хонаи дуҳуҷрагӣ дар пойтахт бо тамоми шароити рӯзгор ва ба Муллораҷаб Халифаев - дастпарвари “Мактаби махсуси варзишии захираҳои олимпии №6 оид ба намудҳои гӯштин”-и шаҳри Душанбе барои сазовор гардидан ба ҷои дуюм ва гирифтани медали нуқраи ҳамин мусобиқа 100 000 сомонӣ тақдим намуд. Инчунин, ба муштзани тоҷик, қаҳрамони ҷаҳон оид ба IBF (Федератсияи байналмилалии бокс) Шавкат Раҳимов низ калиди хонаи дуҳуҷрагӣ супорид.
То ба ин дастовардҳо шарафёб гардидани варзишгарони тоҷикро сабаб заминаи хуби инфрасохтори замонавии варзишӣ аст, ки солҳои охир дар шаҳри Душанбе сохта шуданд. Дар баробари он ки шуруъ аз соли 2017 дар тамоми маҳаллаҳои шаҳри Душанбе зиёда аз 279 майдончаи варзишӣ мавриди истифодаи сокинони пойтахт қарор дода шуд, бо қарори Раиси шаҳри Душанбе аз 16 январи соли 2018, №32 “Барномаи рушди футбол дар шаҳри Душанбе барои солҳои 2018 – 2021”, қарори Раиси шаҳри Душанбе аз 2 марти соли 2018, №151 “Барномаи рушди тарбияи ҷисмонӣ ва варзиш дар шаҳри Душанбе барои солҳои 2018 – 2021” ва дар марҳилаи дуюм “Барномаи рушди футбол дар шаҳри Душанбе барои солҳои 2022 – 2026” аз 14 апрели соли 2022, №179 ва бо қарори Раиси шаҳри Душанбе аз 14 апрели соли 2022, №178 “Барномаи рушди тарбияи ҷисмонӣ ва варзиш дар шаҳри Душанбе барои солҳои 2022- 2026” таҳияву тасдиқ гардиданд, ки таъминкунандаи оммавияти варзиш дар пойтахти кишварамон мебошанд.
Ҳамчунин, соли 2021 бо дастгирии бевоситаи Рустами Эмлмалӣ дар майдони 10 гектар Қасри теннис ва маҷмааи варзиши обӣ, ки ҷавобгӯ ба талаботи муосири байналмилалӣ мебошад, мавриди истифода қарор дода шуд. 13 сентябри соли 2022 бо иштироки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ дар ноҳияи Синои пойтахт Маҷмаи муосири варзишию фароғатӣ, ки аз толори муҳташами варзишии “ЮФСИ ҶИМ” (UFC Gym) ва Академияи футболи “Ювентус” иборат аст, мавриди баҳрабардорӣ қарор дода шуд. Ин маҷмаъҳо намунае аз иншоотҳои варзишии шаҳри Душанбе мебошанд, ки таи 7 соли охир бунёд шудаанд.
Дастгириҳо дар самти сохтмони иншоотҳои бузург ва беназири варзишӣ имкон медиҳад, то пойтахти азизамон - шаҳри Душанбе на танҳо макони баргузории мусобиқаҳои сатҳи шаҳрӣ ва ҷумҳуриявӣ, балки ҳамчун маркази асосии баргузории мусобиқаҳои сатҳи байналмилалӣ муаррифӣ гардад.
Иқдоми дигари шоёни таҳсин, ки аз ҷониби шаҳрдори Душанбе дар пойтахт роҳандозӣ гардид, дар баробари мусобиқаҳои зиёди байналмилалӣ баҳри эҳёи гӯштини суннатии миллати тоҷик - гӯштингирӣ дар арафаи Наврӯзи байналмилалӣ гузаронидани мусобиқаи байналмилалӣ барои дарёфти Ҷоми раиси шаҳри Душанбе мебошад. Чор соли охир дар сатҳи баланд гузаронидани мусобиқаи мавриди назар сабаб гардид, ки ба ин намуди варзиши миллати тоҷик мақоми байналмилалӣ дода шавад. Дараҷаи байналмилалӣ дар Вазорати адлияи Швейтсария охирҳои моҳи декабри соли 2022 ба қайд гирифта шуда, гӯштини миллӣ соҳиби сертификати байналмилалӣ гардид. Байналмилалӣ шудани гӯштини миллии мо - гӯштингирӣ орзуи чандинсолаи собиқадорони соҳа ва тамоми мардуми варзишдӯсти тоҷик буд, ки баъди талошу заҳматҳои муҳтарам Рустами Эмомалӣ ҷомаи амал пӯшид.
Дар ин росто метавон гуфт, ки бо ибтикори бевоситаи шаҳрдори пойтахт 25-30 марти соли 2022 Душанбе маротибаи аввал мизбони Чемпионати Осиё оид ба велосипедронӣ дар шоҳроҳ буд. Инчунин баъди сохтмону баистифодадиҳии инфрасохтори замонавии варзишӣ ва талошҳои шаҳрдори Душанбе муҳтарам Рустами Эмомалӣ Федератсияи байналмилалии ҷудо ба хулоса омад, ки шуруъ аз соли 2023 шаҳри Душанбе чаҳор сол паиҳам (солҳои 2023-2026) мизбони мусобиқаи расмии “Тоскулоҳи бузург” (“Гран При”) шавад. Ва нахустин сабқатҳои “Гран При”-Душанбе аз 2-юм то 4-уми июн дар шаҳри Душанбе бо як шукӯҳу шаҳомат доир гардид, ки 40 кишвари ҷаҳонро гирди ҳам оварда буд. Дар рафти ифтитоҳи “Гран При-Душанбе-2023” муҳимияти онро барои варзиши кишвар муҳтарам Рустами Эмомалӣ ба таври зайл баён намуда буд:
“Итминон дорам, ки мусо-биқаи имрӯза дар сатҳи баланди ташкилӣ баргузор шуда, ба тарғиби тарзи ҳаёти солим, рушди варзиш дар кишвар, аз ҷумла ҷудо, кашфи варзишгарони ҷавону умедбахш мусоидат мекунад ва инчунин шаъну шарафи варзиши Тоҷикистонро боз ҳам баланд мебардорад. Боварӣ дорам, ки шумо тавассути варзиш ва мусобиқа ба ҷаҳон паёми қавии сулҳ, ҳамоҳангӣ ва дӯстӣ мефиристед. Дар хотима мехоҳам ҳайатҳои муҳтарамро ба Душанбе хайрамақдам гуфта, ба ҳамаи варзишгарон барор ва муваффақият таманно кунам”
Инчунин соли равон бо ташаббуси муҳтарам Рустами Эмомалӣ дар ҳамкорӣ бо Федератсия гӯштини миллӣ 27-уми июни соли равон дар пойтахти кишвар-шаҳри Душанбе нахус-тин Чемпионати Осиё оид ба “Гӯштингирӣ” баргузор гардид, ки дар он 30 кишвари қораи Осиё иштирок намуданд.
Бояд гуфт, ки баргузории мусобиқаҳои байналмилалӣ дар соли равон аз ташаббусҳои бевоситаи Рустами Эмомалӣ маншаъ гирифта, тавонист миллати тоҷикро ҳамчун миллати варзишгару варзишдӯст дар ақсои олам муаррифӣ намояд.
“Ҷавонони Тоҷикистон”
Хабарҳои дигар
Рӯзнома
Эзоҳи худро нависед