Шавкат Мирзиёев, номзад ба мақоми президентии Ӯзбекистон бар асоси натиҷаҳои ибтидоии Интихоботи президентӣ пирӯзӣ ба даст овардааст.

Президенти феълӣ 80,1 дарсади овози мардумро аз худ намуд.

Маълумоти пешакиро Зайниддин Низомхоҷаев, роҳбари Кумитаи марказии интихоботи Ӯзбекистон 25-уми октябр соати 1600 эълон кард.

Ҳамчунин Президенти Тоҷикистон Эмомалӣ Раҳмон бо Мирзиёев тамос гирифта ӯро барои пирӯзии боварибахш дар Интихоботи президентӣ табрик карда, ҳамзамон унвонияш барқияи алоҳидаи шодбошӣ ирсол карданд.

Ёдовар мешавем, Интихоботи президентӣ дар Ӯзбекистон рӯзи 24 октябр сурат гирифт ва барои курсии президентӣ панҷ номзад вориди рақобат шуданд, ки яке аз онҳо президенти феълӣ Шавкат Мирзиёев буд.