СИЁСАТ
Душанбе 22 Октябр 2018 07:46
4751
моҳияти баргузории конференсия зери унвони «Миср ва Тоҷикистон дар мубориза бар зидди созмонҳои террористӣ » чунин аст

Дигар далели бебаҳс аст, ки масъулини фирории ҳизби террористиву экстремистии фаъолияташ мамнӯъшудаи наҳзати исломӣ бо «доди бегуноҳӣ» задан худро дар ақсои олам ба маънои томаш хандахариш намудаанд. Наҳзатиҳо бояд дарк намоянд, ки тақдир бинобар курдиливу нотавонбинӣ аз онҳо рӯ гардондаасту кӯшишу талошҳои “обсофкунак”-ҳояшон барҳадар аст. Дар маҷмӯъ, дафтари аъмоли наҳзатиҳои террорист ғанӣ аз нуқсону ҷиноят ва амалҳои ғайриинсонист, ки дар хориҷ аз кишвар низ ба он саҳфаҳои нав илова шуда истодааст. Худсафедкуниҳояшон зани сабукпоро, ки дар назди мизоҷони худ иддаои покдоман буданро дорад, ба ёд меорад.

Ёдовар мешавем, ки 20 июли соли гузашта дар расонаҳо вобаста ба ворид намудани ҲНИ ҳамчун ташкилоти террористӣ-экстремистӣ ба Феҳристи Сохтори минтақавии зиддитеррористии Созмони ҳамкории Шанхай (СМЗТ СҲШ) матолиб нашр гардида буд. Дар он аз ҷумла зикр шуда буд, ки Сохтори минтақавии зиддитеррористии СҲШ 29 январи соли 2016 мутобиқи Феҳристи ягонаи созмонҳои террористӣ, экстремистӣ ва ҷудоихоҳ, ки фаъолияташон дар қаламрави давлатҳои узви СҲШ манъ аст, Ҳизби наҳзати исломиро таҳти рақами 79 ба рӯйхати ташкилоти террористӣ ворид карда буд. Бо ин ибтикор СҲШ, ки 8 кишвари ҷаҳонро бо қаламрави умумии 3,4 млн. км. мураббаъ ва беш аз 3,3 млрд. аҳолӣ дарбар мегирад, ташкилоти террористӣ будани ҲНИ-ро эътироф намуда буд.

Хуб дар хотир дорам, ки баробари пахши ин иттилоъ ба пӯстини наҳзатиҳои террорист кайк даромада, тавассути «расона»-ҳои худ ба инкори ин иқдом даромаданд. Саволе пайдо мешавад, ки агар чунин набошад чаро наҳзатиҳо ин қадар сахт ба такопӯ медароянд? Ҷомеаи Тоҷикистон шоҳид буд, ки қаблан низ сарварону аъзои фаъоли ТТЭ ҲНИ пайваста дар гӯши мардум сафсата мехонданд, ки мақомоти ҳифзи ҳуқуқ ва дигар сохторҳои давлатӣ ба ҳизб фишор меоваранд, аъзои онро таъқиб мекунанд ва дар фаъолияти он монеа эҷод менамоянд.

Ин анҷоми эътирофи наҳзатиҳо минҳайси террорист набуда, ин раванд бемайлон идома дорад. Якуми августи соли равон дар шаҳри Қоҳира Конференсияи илмӣ-тадқиқотӣ таҳти унвони «Миср ва Тоҷикистон дар мубориза бар зидди созмонҳои террористӣ, омӯзиши тафсилии фаъолияти «Ихвон-ул-муслимин» ва ташкилоти террористию экстремистии Ҳизби наҳзати ислом» доир гардид.

Ҷоиз ба зикри алоҳида аст, ки ҳамоиши мавриди назар зери васояти пажӯҳишгоҳҳои давлатии илмӣ-тадқиқотии Ҷумҳурии Арабии Миср – Шӯрои Миср оид ба корҳои хориҷӣ, Форуми мисрӣ дар масъалаҳои ВАО, Маркази тадқиқоти сиёсӣ ва хабарии «Ҳивор» ва ғайра баргузор шуд. Дар рафти он таърихи созмонҳои террористии «Ихвон-ул-муслимин» ва ҲНИ, шабоҳати вазъи сиёсии ин ду кишвар, муштаракот ва аҳдофи ягонаи ин созмонҳои террористӣ, сабабу омилҳои дастгирӣ ёфтани ин ташкилотҳои терорристӣ аз ҷониби Ҷумҳурии Исломии Эрон ва ғайра баррасӣ гардид. Дар чорабинӣ аксу наворҳои бозгӯйкунандаи аъмоли нопоки ТТЭ ҲНИ, аз ҷумла ҷиноятҳои дар давраи ҷанги шаҳрвандӣ содиршуда, ошӯби гурӯҳи Ҳоҷӣ Ҳалим, кушта шудани сайёҳони хориҷӣ дар ноҳияи Данғара, филми мустанади «Решаҳои ноаён» ба маъраз гузошта шуд.

Муҳим он аст, ки дар ин ҳамоиш 150 нафар, аз ҷумла коршиносони соҳа, устодони факултетҳои сиёсии донишгоҳҳои Миср, пажӯҳишгарони сиёсӣ, рӯзноманигорон, мансабдорони давлатӣ, намояндагони корпуси дипломатии кишварҳои хориҷӣ ва шабакаҳои телевизиони давлати Миср ширкат варзиданд. Тибқи иттилои дастрасшуда, натиҷаҳои конфронс қобили мулоҳиза буда, хулосаҳои он ба мақомоти давлатии Миср, аз ҷумла вазоратҳои корҳои хориҷӣ, корҳои дохилӣ, адлия, Маҷлиси Шӯро ва корпуси дипломатии муқими ин кишвар ироа хоҳанд шуд.

Нуктаи дигари қобили таваҷҷуҳ он аст, ки дар ҳошияи ин ҳамоиш миёни пажӯҳишгарони сиёсӣ, устодон ва донишҷӯёни Донишгоҳҳои Қоҳира ва Айн-уш-Шамс барои таҳия ва пешниҳоди кори илмӣ-тадқиқотии беҳтарин баҳри бозгӯӣ намудани аъмоли нопок ва аҳдофи муғризонаи ташкилоти террористии «Ихвон-ул-муслимин» ва ҲНИ озмун эълон шуда, ғолибон аз ҷониби Шӯрои Миср оид ба корҳои хориҷӣ мукофотонида мешаванд.

Тавре расонаҳо навиштанд, “ҳамоиши мазкур намунаи беҳтарини муттаҳидшавӣ ба муқобили терроризму экстремизм ва ҳамрайъӣ ба миллати тоҷик дар самти ифшо намудани симои душманонаи ТТЭ ҲНИ ва истифодаи он ҳамчун абзор аз ҷониби кишварҳои муайян, маҳсуб мешавад”.

Ба андешаи инҷониб, аз лиҳози моҳият ин чорабинӣ силии дарднок ба рӯи манфури ТТЭ ҲНИ маҳсуб мешавад. Дар мавриди дастгириҳои Эрон ба ин ташкилоти террористӣ дилпурона мегӯям, ки он моҳияти мавсимӣ дорад, зеро дар олам касе ба садоқату самимияти охундҳои эронӣ бовар надошту надоранд. Барои манфиати хеш ба як фулус фурӯхтани «эрка»- ҳое назири ҲНИ барои онҳо падидаи маъмул ва амри муқаррарӣ буда, он рӯз дур нест...

Алиҷон САФАРОВ

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Октябр 2018 c.