СИЁСАТ
Шанбе 20 Апрел 2024 05:42
10006
Ҷумҳурии Тоҷикистон ният дорад, ки рӯйхати кишварҳои бидуни раводидро зиёдтар гардонад.

Ин нуктаро 16 феврал Сироҷиддин Муҳриддин, вазири корҳои хориҷии кишвар дар нишасти матбуотиаш зикр кард.

Ба гуфти вазир, айни замон Ҷумҳурии Тоҷикистон ба зиёда аз 52 кишвари ҷаҳон низоми бидуни раводид ба муҳлати аз 30 то 90 рӯзаро дорад. Ба гуфтаи ӯ, айни замон барои ворид намудани якчанд кишвари дигар вазорат лоиҳаи наверо ба Ҳукумати кишвар пешниҳод намудааст.

- Тоҷикистон то ба имрӯз нисбати 52 кишвари дунё низоми бидуни раводидро эълон кардааст, вале мо дар лоиҳаи қарори нав рӯйхати наверо таҳия намудаем, ки дар он бо якчанд кишвари дигар низоми бидуни раводидро ба роҳ мемонем. Рӯйхати мазкур ба Ҳукумати кишвар пешниҳод гардидааст ва пас аз тасдиқ мо метавонем онро эълон намоем, - гуфт Сироҷиддин Муҳриддин.

Инчунин вазир зикр кард, ки айни ҳол номи ин кишварҳоро гуфта наметавонад, чун ҳоло ин лоиҳаи қарори нав аз ҷониби Ҳукумат тасдиқ нагардидааст.

Ҳамзамон, Тоҷикистон ба 126 давлат тибқи қарори Ҳукумати Ҷумҳурии Тоҷикистон аз 25 январи соли 2017, ки таҳти №31 тасдиқ шудааст, тартиби соддаи раводидро ба роҳ мондааст.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.