СИЁСАТ
Панҷшанбе 18 Апрел 2024 02:32
Зубайдулло Зубайдзода сафири Тоҷикистон дар Қувайт зимни як мулоқот бо вазири корҳои дохилии Сурия генерал Муҳаммад Холид Раҳмун гуфт, ки шаҳрвандони Тоҷикистон дар рӯзҳои наздик аз он ҷо баргардонида мешаванд.
Тибқи иттилои Вазорати корҳои хориҷӣ мулоқот 5-уми декабри соли равон сурат гирифта, дар он масъалаҳои баргардонидани шаҳрвандони Тоҷикистон аз Сурия ба Ватан, ба роҳ мондани ҳамкориҳо миёни вазоратҳои корҳои дохилии ду кишвар, махсусан дар самти мубориза бо терроризму ифротгароӣ ва табодули сафарҳои намояндагони мақомоти ҳифзи ҳуқуқ баррасӣ гардидааст.
Зубайдулло Зубайдзода, сафири Тоҷикистон дар Ироқ ва Қувайт, ки масъули баргардонидани занону кӯдакони тоҷик дар Сурия низ ҳаст, ба расонаҳо гуфт, мунтазири кафолати амниятӣ аз ҷониби давлати Сурия ва неруҳои курд ҳастанд.
Ӯ гуфт, масъалаи баргардонидани занону кӯдакон дар болотарин сатҳи Ҳукумат матраҳ шуд ва ҳамарӯза аз ӯ дар ин бора мепурсанд. “Мо рафтем ва бо ҳама ҷонибҳо суҳбат кардем. Ҳама чиз омода аст ва фақат интизори иҷозати расмӣ ҳастем. Мавзӯъ зери назорати Вазорати корҳои хориҷӣ ва Президенти кишвар аст. Мо ба ҳукумати Сурия нома кардем, ки барои мо иҷозати рафтан ва гузаштан аз қаламравашон ба ин минтақаро диҳанд. Ин масъала ҷиддӣ пайгирӣ мешавад ва иҷозат шуд, баргардонидан оғоз мешавад”, - шарҳ дод сафир.
Ҷониби Тоҷикистон мегӯяд, масъалаи баргардонидани занону кӯдакон аз Сурия дар ин кишвар ниҳоӣ шудааст ва ҳукумати Башор Асад низ ба он ризоият додааст. Ба гуфтаи ӯ, гуфтугӯ бо неруҳои курд низ ҷараён дорад.
Бояд гуфт, ки занону кӯдакони тоҷик дар минтақае нигоҳ дошта мешаванд, ки зери назари размандагони курд қарор доранд. Онҳо ба ҳукумати Башор Асад итоат намекунанд.
Як намояндаи сафорати Тоҷикистон дар Қувайт гуфт, ки 8-уми декабр ба паноҳгоҳи дигар мавсум ба “Ал-Ҳавл” ё “Ал Ҳол” барои номнавис кардани шаҳрвандони Тоҷикистон хоҳанд рафт. Дипломати тоҷик гуфт, ки бо мақомоти курд, ки паноҳгоҳро зери назар доранд, мулоқот кардаанд ва онҳо ваъда додаанд, ки барои баргардонидани шаҳрвандони Тоҷикистон кӯмак мерасонанд. Гуфта мешавад, ки дар ин паноҳгоҳ ҳафт зан ва бист кӯдаки тоҷик ба сар мебаранд. Онҳо аҳли хонаводаи ҷангҷӯёни созмони тундрави ДОИШ ҳастанд, ки пас аз кушта шудани шавҳару падаронашон ба дасти размандагони курд асир афтоданд.
СММ: БОҚӣ МОНДАНИ ЗАНОНУ КӯДАКОН ХАТАРОВАР АСТ
СММ дар як гузориши худ аз кишварҳое, ки шаҳрвандонашон дар паноҳгоҳҳои Сурия нигаҳдорӣ мешаванд, хостааст, ки онҳоро зудтар ба ватан баргардонанд.
Владимир Воронков, муовини котиби генералии ин созмон дар корҳои мубориза алайҳи терроризм дар як гузориши нави худ гуфтааст, ки кӯдакон, аз ҷумла онҳое, ки ба гурӯҳҳои аз ҷониби СММ террористӣ хонда иртибот доранд, ҳамчун қурбонӣ пазируфта шаванд.
Ин мақоми СММ гуфтааст, ки аксари занон дар паноҳгоҳҳо ҳанӯз дар зеҳн андешаҳои ифротӣ доранд ва бо вуҷуди шикаст, ДОИШ дар Сурия ва Ироқ фаъол аст. Ӯ гуфтааст, ки занони узви ДОИШ дар паноҳгоҳи Ал-Ҳоли Сурия гурӯҳи Ал-Ҳисба таъсис додаанд ва ду занро барои “бадахлоқӣ” қатл кардаанд.
Ҳамчунин, сарбозони ДОИШ дар роҳҳо нуқтаҳои назоратӣ таъсис дода, пул ҷамъ меоваранд ва ба силоҳбадастони худ кӯмак мекунанд.
Ба гуфтаи ӯ, боқӣ мондани ҳазорон марду зану кӯдак дар паноҳгоҳу зиндонҳои Сурия, ки дар гузашта ба ин гурӯҳи тундрав иртибот доштанд, хатар дорад.
Бино ба иттилои СММ, дар паноҳгоҳи Ал-Ҳавли Сурия 65 ҳазор зану кӯдак нигаҳдорӣ мешавад, ки 10 ҳазор нафарашон хориҷиён ҳастанд.
МУСОИДАТИ ҲУКУМАТ
Тоҷикистон ду соли пеш 84 кӯдаки ноболиғро аз Ироқ ба ватан баргардонд.
Ваколатдори ҳуқуқи кӯдак дар Тоҷикистон Раҷабмоҳ Ҳабибуллозода дар як нишасти хабарӣ изҳор дошта буд, ки раванди мутобиқшавии кӯдакон осон нахоҳад буд. Ба гуфтаи ӯ, барои он ки кӯдакон дар муҳити хуб тарбият ёбанд, зарур аст, нахуст онҳоеро хуб мавриди санҷиш қарор дод, ки мехоҳанд, ин тифлон дар хонаводаҳояшон ба воя расанд.
Вазири корҳои дохилӣ Рамазон Раҳимзода гуфта буд, ки барои барқарор шудани ин кӯдакон тамоми чораҳоро меандешанд.
“Мо тамоми чораҳои заруриро меандешем, то онҳо аъзои солими ҷомеа шаванд. Аз идеология ва менталитете, ки он ҷо қабул кардаанд, канор бираванд”,-изҳор дошта буд, Р. Раҳимзода.
Вазорати маориф ва илм низ барои мусоидат ба раванди мутобиқгардонии кӯдакон ба зиндагии нав гурӯҳи вижае созмон дод. Дар вазорат ба ин натиҷа расиданд, ки омода намудани ин кӯдакон ба соли нави таҳсил низ душвор хоҳад буд. Барои мисол, бархе наврасон бо алифбои забони тоҷикӣ ошно нестанд.
ТАЛОШИ ДИГАРБОРА
Мақомоти Тоҷикистон мегӯянд, талош доранд, беш аз 500 зану кӯдакро аз Сурия ба Тоҷикистон баргардонанд.
Занони тоҷике, ки дар паноҳгоҳҳои Сурия нигаҳдорӣ мешаванд, пайваста аз шароити ногувори худ шикоят мекунанд. Аз ҷумла, вазъияти занон дар паноҳгоҳи Ал-Ҳол ногувор арзёбӣ мешавад.
Гурӯҳи ДОИШ, ки аз ҷониби СММ гурӯҳи террористӣ хонда мешавад, соли 2014 бо ишғоли ҳудудҳое аз Сурия ва Ироқ “Хилофат” эълон кард. Соли гузашта ин гурӯҳ охирин минтақаи таҳти назорати худро аз даст дод. Абубакри Бағдодӣ, муассиси гурӯҳ низ аз ҷониби неруҳои амрикоӣ кушта шуд.
Мақомоти тоҷик мегӯянд, дар чор соли мавҷудияти ин гурӯҳ дар Сурия ва Ироқ ҳудуди ду ҳазор шаҳрванди Тоҷикистон ба он пайвастаанд. Аксари онҳо беному нишон шудаанд ва бархе дар паноҳгоҳ ва зиндонҳои Сурияву Ироқ нигаҳдорӣ мешаванд. Суди Ироқ беш аз 40 зани тоҷикро бо гуноҳи ҳамкорӣ бо ДОИШ ба муҳлатҳои тӯлонӣ ба зиндон маҳкум кардааст.
Ба гуфтаи коршиносон, аксари шаҳрвандоне ба доми таблиғгарони ин созмон афтоданд, ки саводи дурусти динӣ надоштанд.
Ҳукумати кишвар борҳо чандин шаҳрвандони тоҷикро, ки ба ҷангҳои Сурияву Ироқ рафтаанд ва бо хоҳиши худ ба ватан баргаштаанд, авф намудааст. Мақомоти Тоҷикистон қаблан гуфта буд, ки нафароне, ки бо хоҳиши худ аз ҷангҳои ДИИШ бармегарданд ва ҷиноят накардаанд, аз ҷавобгарӣ озод мешаванд.
Тибқи иттилои Вазорати корҳои хориҷӣ мулоқот 5-уми декабри соли равон сурат гирифта, дар он масъалаҳои баргардонидани шаҳрвандони Тоҷикистон аз Сурия ба Ватан, ба роҳ мондани ҳамкориҳо миёни вазоратҳои корҳои дохилии ду кишвар, махсусан дар самти мубориза бо терроризму ифротгароӣ ва табодули сафарҳои намояндагони мақомоти ҳифзи ҳуқуқ баррасӣ гардидааст.
Зубайдулло Зубайдзода, сафири Тоҷикистон дар Ироқ ва Қувайт, ки масъули баргардонидани занону кӯдакони тоҷик дар Сурия низ ҳаст, ба расонаҳо гуфт, мунтазири кафолати амниятӣ аз ҷониби давлати Сурия ва неруҳои курд ҳастанд.
Ӯ гуфт, масъалаи баргардонидани занону кӯдакон дар болотарин сатҳи Ҳукумат матраҳ шуд ва ҳамарӯза аз ӯ дар ин бора мепурсанд. “Мо рафтем ва бо ҳама ҷонибҳо суҳбат кардем. Ҳама чиз омода аст ва фақат интизори иҷозати расмӣ ҳастем. Мавзӯъ зери назорати Вазорати корҳои хориҷӣ ва Президенти кишвар аст. Мо ба ҳукумати Сурия нома кардем, ки барои мо иҷозати рафтан ва гузаштан аз қаламравашон ба ин минтақаро диҳанд. Ин масъала ҷиддӣ пайгирӣ мешавад ва иҷозат шуд, баргардонидан оғоз мешавад”, - шарҳ дод сафир.
Ҷониби Тоҷикистон мегӯяд, масъалаи баргардонидани занону кӯдакон аз Сурия дар ин кишвар ниҳоӣ шудааст ва ҳукумати Башор Асад низ ба он ризоият додааст. Ба гуфтаи ӯ, гуфтугӯ бо неруҳои курд низ ҷараён дорад.
Бояд гуфт, ки занону кӯдакони тоҷик дар минтақае нигоҳ дошта мешаванд, ки зери назари размандагони курд қарор доранд. Онҳо ба ҳукумати Башор Асад итоат намекунанд.
Як намояндаи сафорати Тоҷикистон дар Қувайт гуфт, ки 8-уми декабр ба паноҳгоҳи дигар мавсум ба “Ал-Ҳавл” ё “Ал Ҳол” барои номнавис кардани шаҳрвандони Тоҷикистон хоҳанд рафт. Дипломати тоҷик гуфт, ки бо мақомоти курд, ки паноҳгоҳро зери назар доранд, мулоқот кардаанд ва онҳо ваъда додаанд, ки барои баргардонидани шаҳрвандони Тоҷикистон кӯмак мерасонанд. Гуфта мешавад, ки дар ин паноҳгоҳ ҳафт зан ва бист кӯдаки тоҷик ба сар мебаранд. Онҳо аҳли хонаводаи ҷангҷӯёни созмони тундрави ДОИШ ҳастанд, ки пас аз кушта шудани шавҳару падаронашон ба дасти размандагони курд асир афтоданд.
СММ: БОҚӣ МОНДАНИ ЗАНОНУ КӯДАКОН ХАТАРОВАР АСТ
СММ дар як гузориши худ аз кишварҳое, ки шаҳрвандонашон дар паноҳгоҳҳои Сурия нигаҳдорӣ мешаванд, хостааст, ки онҳоро зудтар ба ватан баргардонанд.
Владимир Воронков, муовини котиби генералии ин созмон дар корҳои мубориза алайҳи терроризм дар як гузориши нави худ гуфтааст, ки кӯдакон, аз ҷумла онҳое, ки ба гурӯҳҳои аз ҷониби СММ террористӣ хонда иртибот доранд, ҳамчун қурбонӣ пазируфта шаванд.
Ин мақоми СММ гуфтааст, ки аксари занон дар паноҳгоҳҳо ҳанӯз дар зеҳн андешаҳои ифротӣ доранд ва бо вуҷуди шикаст, ДОИШ дар Сурия ва Ироқ фаъол аст. Ӯ гуфтааст, ки занони узви ДОИШ дар паноҳгоҳи Ал-Ҳоли Сурия гурӯҳи Ал-Ҳисба таъсис додаанд ва ду занро барои “бадахлоқӣ” қатл кардаанд.
Ҳамчунин, сарбозони ДОИШ дар роҳҳо нуқтаҳои назоратӣ таъсис дода, пул ҷамъ меоваранд ва ба силоҳбадастони худ кӯмак мекунанд.
Ба гуфтаи ӯ, боқӣ мондани ҳазорон марду зану кӯдак дар паноҳгоҳу зиндонҳои Сурия, ки дар гузашта ба ин гурӯҳи тундрав иртибот доштанд, хатар дорад.
Бино ба иттилои СММ, дар паноҳгоҳи Ал-Ҳавли Сурия 65 ҳазор зану кӯдак нигаҳдорӣ мешавад, ки 10 ҳазор нафарашон хориҷиён ҳастанд.
МУСОИДАТИ ҲУКУМАТ
Тоҷикистон ду соли пеш 84 кӯдаки ноболиғро аз Ироқ ба ватан баргардонд.
Ваколатдори ҳуқуқи кӯдак дар Тоҷикистон Раҷабмоҳ Ҳабибуллозода дар як нишасти хабарӣ изҳор дошта буд, ки раванди мутобиқшавии кӯдакон осон нахоҳад буд. Ба гуфтаи ӯ, барои он ки кӯдакон дар муҳити хуб тарбият ёбанд, зарур аст, нахуст онҳоеро хуб мавриди санҷиш қарор дод, ки мехоҳанд, ин тифлон дар хонаводаҳояшон ба воя расанд.
Вазири корҳои дохилӣ Рамазон Раҳимзода гуфта буд, ки барои барқарор шудани ин кӯдакон тамоми чораҳоро меандешанд.
“Мо тамоми чораҳои заруриро меандешем, то онҳо аъзои солими ҷомеа шаванд. Аз идеология ва менталитете, ки он ҷо қабул кардаанд, канор бираванд”,-изҳор дошта буд, Р. Раҳимзода.
Вазорати маориф ва илм низ барои мусоидат ба раванди мутобиқгардонии кӯдакон ба зиндагии нав гурӯҳи вижае созмон дод. Дар вазорат ба ин натиҷа расиданд, ки омода намудани ин кӯдакон ба соли нави таҳсил низ душвор хоҳад буд. Барои мисол, бархе наврасон бо алифбои забони тоҷикӣ ошно нестанд.
ТАЛОШИ ДИГАРБОРА
Мақомоти Тоҷикистон мегӯянд, талош доранд, беш аз 500 зану кӯдакро аз Сурия ба Тоҷикистон баргардонанд.
Занони тоҷике, ки дар паноҳгоҳҳои Сурия нигаҳдорӣ мешаванд, пайваста аз шароити ногувори худ шикоят мекунанд. Аз ҷумла, вазъияти занон дар паноҳгоҳи Ал-Ҳол ногувор арзёбӣ мешавад.
Гурӯҳи ДОИШ, ки аз ҷониби СММ гурӯҳи террористӣ хонда мешавад, соли 2014 бо ишғоли ҳудудҳое аз Сурия ва Ироқ “Хилофат” эълон кард. Соли гузашта ин гурӯҳ охирин минтақаи таҳти назорати худро аз даст дод. Абубакри Бағдодӣ, муассиси гурӯҳ низ аз ҷониби неруҳои амрикоӣ кушта шуд.
Мақомоти тоҷик мегӯянд, дар чор соли мавҷудияти ин гурӯҳ дар Сурия ва Ироқ ҳудуди ду ҳазор шаҳрванди Тоҷикистон ба он пайвастаанд. Аксари онҳо беному нишон шудаанд ва бархе дар паноҳгоҳ ва зиндонҳои Сурияву Ироқ нигаҳдорӣ мешаванд. Суди Ироқ беш аз 40 зани тоҷикро бо гуноҳи ҳамкорӣ бо ДОИШ ба муҳлатҳои тӯлонӣ ба зиндон маҳкум кардааст.
Ба гуфтаи коршиносон, аксари шаҳрвандоне ба доми таблиғгарони ин созмон афтоданд, ки саводи дурусти динӣ надоштанд.
Ҳукумати кишвар борҳо чандин шаҳрвандони тоҷикро, ки ба ҷангҳои Сурияву Ироқ рафтаанд ва бо хоҳиши худ ба ватан баргаштаанд, авф намудааст. Мақомоти Тоҷикистон қаблан гуфта буд, ки нафароне, ки бо хоҳиши худ аз ҷангҳои ДИИШ бармегарданд ва ҷиноят накардаанд, аз ҷавобгарӣ озод мешаванд.
Хабарҳои дигар
Рӯзнома
Эзоҳи худро нависед