СИЁСАТ
Душанбе 24 Июн 2024 02:25
10353
Дар Ҷумҳурии Тоҷикистон нақшаи даъвати ҷавонписарон ба сафи Артиши миллӣ наздики 90 фоизро иҷро шудааст. Дар ин бора Вазорати мудофиаи Ҷумҳурии Тоҷикистон иттилоъ дод.

Бино ба иттилои манбаъ, аз оғози даъвату гусели шаҳрвандон ба хизмати ҳарбӣ дар давоми 45 рӯз Вилояти Мухтори Кӯҳистони Бадахшон, чаҳор ноҳияҳои шаҳри Душанбе ва шаҳру навоҳии вилояти Хатлон нақшаи ҷалби даъвати шаҳрвандон ба хизмати ҳатмии ҳарбиро 100 фоиз иҷро намудаанд.

Дар ин радиф, иҷрои нақша дар шаҳру ноҳияҳои тобеи ҷумҳурӣ 88% ташкил дода, ноҳияҳои Рашт, Сангвор, Лахш, Нуробод, Тоҷикобод, Файзобод ва шаҳрҳои Роғуну Турсунзода аз анҷоми даъвату гусели сарбозон ба сафи артиш гузориш додаанд.

Инчунин дар ин муддат вилояти Суғд 67 фоизи нақшаро иҷро намудааст, мақомоти вобастаи комиссияҳои давлатии даъват дар шаҳрҳои Панҷакенту Бӯстони ин вилоят иҷрои нақшаро пурра ба анҷом расониданд.

Бояд гуфт, ки даъвати шаҳрвандони солҳои таваллуди 1997-2006-и Ҷумҳурии Тоҷикистон аз якуми апрел оғоз гардида, он то охири моҳи май ҷараён мегирад ва ҷавонписарони аз 18 то 27 солаи кишвар ба сафи Қувваҳои Мусаллаҳи мамлакат ҷалб карда мешавад.

Эзоҳи худро нависед



Рамзҳо дар расм