СИЁСАТ
Душанбе 21 Октябр 2019 05:09
5515
Дар Венесуэла буҳрони сиёсӣ ҳанӯз идома дорад. Ихтилофи тарафҳо, мавқеъгирии онҳо низ. Раиси Маҷлиси Венесуэла Хуан Гуайдо, ки 23-юми январи соли равон бо такя ба конститутсияи кишвар роҳбари ҳукумати муваққатӣ эълон гардид, бо сабаби норасоии маводи озуқа аз давлатҳои ҳамсоя кӯмаки башардӯстона хост. Мухолифони ҳукумати Венесуэла мегӯянд, дар кишварашон 300 ҳазор нафар ба норасоии озуқаворӣ рӯ ба рӯ буда, ба 2 миллион нафар хатари беморӣ, ҳамзамон камбуди доруворӣ таҳдид мекунад. Аз кишварҳои Амрикои Лотинӣ аввалин шуда Колумбия изҳор дошт, ки барои расонидани ёрии башардӯстона омода аст. Президенти Венесуэла Николас Мадуро бошад, кӯмакҳои башардӯстонаро “намоиш”-е хондааст, ки барои аз байн бурдани ҳукуматаш роҳандозӣ шудаанд. Дар ҳамин ҳол, хабаргузориҳо иттилоъ додаанд, ки Хуан Гуайдо рӯзи 23-юми феврал бо корвоне иборат аз 80 нафар вакилони парлумон барои овардани кӯмак ба марзи Колумбия рафтанд. Вале, гуфта мешавад, ки дар натиҷаи тирпарронӣ аз тарафи нерӯҳои ҳарбии кишвар ду нафар ба ҳалокат расида чанд тани дигар ҷароҳат бардоштанд. Сабаб он аст, ки Николас Мадуро барои кӯмакҳои башардӯстона сафарбар шудани вакилонро “иғво” номида, ба нерӯҳои ҳарбии кишвараш барои пешгирии он дастур додааст. Ин нукта ҳам қобили таъкид аст, ки низомиёни Венесуэла аслан аз Николас Мадуро пайравӣ мекунанд. Ба истиснои чанд нафарашон.

Алҳол Венесуэла марзҳои худро бо кишварҳои ҳамсояаш баста, ба нерӯҳои ҳарбии давлати Колумбия огоҳӣ додааст, ки ба иғвоангезӣ роҳ надиҳанд.

Ин дар ҳолест, ки пас аз Колумбия Бразилия низ гуфтааст, ба мардуми Венесуэла кӯмаки башардӯстона расониданист.

“Масъалаи кӯмаки башардӯстона, як бахши стратегияи ишғолгарии ИМА мебошад. – гуфтааст Мадуро, - Мо ба ин роҳ нахоҳем дод!”

Пас, аз он ки ду маротиба – рӯзҳои 23 ва 24-уми феврал дар марзи Венесуэла бо Колумбия ва Бразилия бо сабаби тирпаррониҳо чанд тан ҳалок шуда, чанди дигар маҷруҳ гаштаанд, сухангӯи СММ Стефан Дуярик даъвати раиси Созмон Антонио Гуттеришро ҷиҳати аз шиддату зӯроварӣ истифода набурдани низомиён дар Венесуэла шунавонд.

Ёдовар мешавем, ки Хуан Гуайдо аз тарафи ИМА роҳбари нави Венесуэла эътироф шудааст. Ин қарори ИМА-ро бошад, баъзе кишварҳои Аврупо ва Амрикои Лотинӣ ҷонибдорӣ кардаанд. Инчунин, намояндаи мухолифини Венесуэла дар ИМА низ гуфтааст, ки Хуан Гуайдоро 11 дипломат низ расман шинохтааст.

Бояд гуфт, тайи чанд соли охир Венесуэла бо авзои дохилиаш “машҳур” аст. Бо вуҷуди он ки ин кишвар соҳиби захираҳои бойи тилло ва нефт мебошад, яке аз бузургтарин буҳронҳои иқтисодии дунёро аз сар мегузаронад. Ҳоло 2,5 миллион нафар кишварашонро тарк карданд... Бесуботии сиёсӣ бошад ба тарафи ҷанги шаҳрвандӣ майл дорад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.