Соли 2018 дар маҷмуъ 873 ҷинояти хусусияти террористӣ ва эктремистидошта ошкор ва ба қайд гирифта шудааст, ки дар натиҷаи чораандешӣ 298 нафар аъзоёни ташкилотҳои террористӣ ва экстремистӣ дастгир гардидаанд.

Дар ин бора Раҳимзода Рамазон, вазири корҳои дохилӣ, 14 феврал, зимни нишасти матбуотӣ ба хабарнигорон иттилоъ дод.

Ба гуфтаи мавсуф, ҳамчунин 11 амали террористӣ (аз ин 4 ҳолати суиқасд ба он) ба ҳисоб гирифта шуда, 7 ҳолат аз ҷониби кормандони мақомоти корҳои дохилӣ ошкор карда шудааст.

Дар идома таъкид гардид, ки 99 нафар шаҳрвандони Тоҷикистон, ки дар муноқишаҳои кишварҳои хориҷ иштирок доштанд, ба ватан баргардонида шуданд.