СИЁСАТ
Якшанбе 27 Сентябр 2020 06:37
7322
Таҳти унвони "Интихоби мо - Пешвои миллат!" дар толори фарҳанги мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон бо иштироки муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Дилшод Назаров ҳамоиши ҷавонони вилоят баргузор гашт.

Инҷунин дар чорабинӣ муовини раиси ВМКБ Умедҷон Носирзода, сардори Раёсати кор бо ҷавонон ва варзиши вилоят Сураҷ Чоршанбиев, мудири бахши кор бо ҷавонон ва варзиши шаҳри Хоруғ Имомёрбек Имомёрбеков ва мудири Шуъбаи кор бо ҷавонони Донишгоҳи давлатии Хоруғ ба номи Моёншо Назаршоев Дидоршоҳ Насриддинов иштироку баромад намуданд.

Баъди мутантан садо додани Суруди миллии Ҷумҳурии Тоҷикистон С. Чоршанбиев, сардори Раëсати кор бо ҷавонон ва варзиши вилоят дар баромади худ қайд кард, ки маҳз бо иқдому дастгириҳои бевоситаи Пешвои муаззами миллат муҳтарам Эмомалӣ Раҳмон соҳаи варзиши вилоят дар солҳои соҳибистиқлолӣ тақвият ёфта, феълан дар вилоят зиëда аз 300 майдончаву 30 толорҳои варзишӣ фаъолият доранд.

Бахусус дар маркази вилоят бо иқдоми роҳбарияти Федератсияи Футболи Тоҷикистон давоми солҳои охир беҳтарин ва муосиртарин майдончаҳои замонавӣ бунëд гардиданд. Дар идомаи ҳамоиш ҷавонони вилоят пешбарии номзади арзанда Асосгузори сулҳу Ваҳдати миллӣ - Пешвои миллат муҳтарам Эмомалӣ Раҳмон ба мансаби Президенти Ҷумҳурии Тоҷикистонро дар баробари Федератсияи мустақили иттифоқи касаба, Иттифоқи ҷавонони Тоҷикистон ва Ҳизби халқӣ - демократии Тоҷикистон хуш пазируфта, ин номзадиро бо самимияти хоса ҷонибдорӣ намуданд.

Дар охири ҳамоиш аз номи ҷавонон изҳороти ҷавонони вилоят аз ҷониби аъзои фаъоли Иттифоқи ҷавонон Анвар Акрамов қироат гардида, муҳтарам Эмомалӣ Раҳмон ҳамчун номзади арзанда ва беназир ба мақоми Президенти Ҷумҳурии Тоҷикистон дар интихоботи навбатии Президентӣ эътироф ва ҷонибдорӣ гардид.

Мавриди зикр аст, ки дар фарҷоми чорабинӣ Дилшод Назаров, муовини раиси кумита ва Умедҷон Носирзода ба як қатор мураббиëни варзишу варзишгарон унвони варзишии " Устоди варзиш " тақдим намуданд.

Баъдан меҳмони олиқадр ва Қаҳрамони бозиҳои олимпии соли 2016 Дилшод Назаровро раиси ВМКБ Ёдгор Файзов ба ҳузур пазируфта, дастгириҳои кумитаро дар самти таҳкими тарзи ҳаёти солим ва дасгириҳои ҷавонону варзишгарони вилоятро назаррас арзёбӣ кард.

Инчунин дар мулоқот ҷиҳат боз ҳам беҳбуд ёфтани соҳаи варзиш фикру пешниҳодҳои гуногун баррасӣ шуданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.