СИЁСАТ
Якшанбе 08 Сентябр 2024 06:31
![9344](/upload/iblock/449/Untitled-1.jpg)
Нимаи дуюми рӯзи 16 феврал бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо дастгоҳи марказии Ҳизби Халқии Демократии Тоҷикистон вохӯрӣ ва шиносоии раиси Кумитаи кор бо ҷавонон ва варзишу варзишгарон бо кормандони дастгоҳи марказии ҲХДТ ва раисони кумитаҳои иҷроияи ин ҳизб дар вилоят ва шаҳру ноҳияҳои ҷумҳурӣ баргузор гардид.
Вохӯрӣ дар Маҷмааи варзишию фароғатии Академияи футболи “Ювентус”-и шаҳри Душанбе ҷараён гирифта, дар он зиёда аз 100 нафар кормандони ҲХДТ аз тамоми гӯшаву канори кишвар иштирок карданд.
Тавре Муҳаммадтолиб Шокирзода, сардори Раёсати варзиши дастгоҳи марказии КҶВ иброз дошт, чорабинӣ дар доираи нақша – чорабиниҳои ҲХДТ, ки бевосита аз ҷониби Раиси ҲХДТ муҳтарам Эмомалӣ Раҳмон тасдиқ шудааст, доир карда шуд.
Кормандони дастгоҳи марказии ҲХДТ ва раисони кумитаҳои иҷроияи ин ҳизб дар вилоят ва шаҳру ноҳияҳои кишварро дар даромадгоҳи Маҷмааи варзишию фароғатии Академияи футболи “Ювентус” варзишгарони муваффақи ҷумҳурӣ истиқбол гирифтанд. Баъд аз истиқболи самимӣ ва шиносоӣ бо варзишгарону роҳбарияти КҶВ дар навбати аввал кормандони ҳизб бо имконият ва шароити мусоиди машқу тамрин дар ин маҷмаа ошно шуданд.
Масъулини Академияи футболи “Ювентус” ба кормандони ҳизб маълумот доданд, ки Маҷмааи варзишию фароғатӣ бо мақсади дар амал татбиқ намудани сиёсати Ҳукумати Ҷумҳурии Тоҷикистон оид ба оммавигардонии варзиш ва тарғиби тарзи ҳаёти солим дар ҷомеа бо харҷи зиёда аз 30 миллион сомонӣ бунёд гардида, аз лиҳози имконият ва шароити мусоиди машқу тамрин дар кишварҳои Осиёи Марказӣ назир надорад. Он бо усули махсус ва бо назардошти санъати меъмории мардуми ориёӣ, ки дар он гил ва хишт масолеҳи асосии бинокорӣ ба ҳисоб мерафт, таҳия ва бунёд карда шудааст.
Маҷмаа дорои варзишгоҳи болопӯшида, толори машқи бадан, маркази фароғатӣ бо меҳмонхона ва қаҳвахона, маркази барқароршавӣ бо толорҳои маҳси бадан, саунаҳои хушку тар ва бунгоҳи тиббӣ мебошад. Дар маҷмаа ҳамзамон толори мураббиён, синфхонаҳо, ҳаммом, сартарошхона, ҷойи шустушӯи либос, ҳуҷраҳои корӣ ва дигар иншооти ёрирасон мавҷуд буда, дар як вақт дар ин иншооти варзишӣ барои машқу тамрини зиёда аз 300 нафар шароити зарурӣ фароҳам оварда шудааст.
Ииттилоъ дода шуд, ки дар ин ҷо завқмандони варзиш сарфи назар аз синну сол метавонанд, ба обу тоби бадан, вазнбардорӣ, намудҳои гуногуни варзиш, аз ҷумла гӯштини ҷудо, ҷиу-ҷитсуи бразилӣ, бокс, кикбоксинг, йога ва дучархаронӣ (сайклинг) машғул шаванд. Машғулияти варзишии гурӯҳӣ барои занон ва кӯдакон низ мутобиқ ба талаботу меъёрҳои байналмилалӣ сурат мегирад.
Толори варзишӣ бо охирин насли таҷҳизоти баландсифати “Тechnogym” Премиум муҷаҳҳаз карда шуда, беҳтарин фазои машқу тамрин барои мизоҷон фароҳам аст ва 70 фоизи барномаҳои толори варзишӣ ба машқи бадан ва вазнпартоӣ равона гардидааст.
Гуфта шуд, ки Тоҷикистон дар қатори 32 мамлакати пешрафтаи ҷаҳон аст, ки чунин толорҳои варзиширо дорост. Баландии майдони болопӯшидаи футболи академия 17, дарозиаш 80 ва паҳноиаш 40 метрро ташкил дода, айни замон дар миёни майдонҳои болопӯшидаи академияҳои амалкунандаи “Ювентус” дар ҷаҳон бузургтарин ба ҳисоб меравад. Ҳамзамон дар дохили майдон монитори калон бо баландии 14 метр ва дарозии 7 метр насб гардида, дар он рафти тамринҳо ба таври мустақим пахш мегардад.
Ҳамин тавр, кормандони ҲХДТ бо имкониятҳои фаррохи ин маҷмаа аз наздик ошно шуда, сипас вобаста ба рушди варзиш дар мамлакат ва шароитҳои дар ин самт фароҳамовардаи Ҳукумати мамлакат суҳбатҳо доир гардид.
Абдулло Раҳмонзода, раиси КҶВ зимни суханронии худ гуфт, боиси ифтихору сарфарозии варзишгарон ва умуман ҷавонони мамлакат аст, ки барои рушди соҳа Ҳукумати мамлакат ва Пешвои муаззами миллат чунин ғамхориҳо мекунанд:
- Аз рӯзҳои аввали ба даст овардани истиқлолият Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба соҳаи варзиш таваҷҷуҳи махсус зоҳир менамоянд. Маҳз бо таваҷҷуҳу ғамхориҳои падаронаи Роҳбари давлат соҳаи варзиш ва тарбияи ҷисмонӣ яке аз самтҳои афзалиятноки сиёсати иҷтимоии Ҳукумати мамлакат қарор гирифта, ба хотири таъмини оммавияти варзиш, тарғибу ташвиқ ва таҳкими тарзи ҳаёти солим, мусоидат намудан барои омодакунии варзишгарони касбӣ ва ба ин васила муаррифӣ намудани давлату миллат дар арсаи байналмилалӣ тамоми заминаҳои меъёриву ҳуқуқӣ ва амаливу моддӣ фароҳам оварда шуд. Ҳамин аст, ки сол то сол дастовардҳои варзишгарону мураббиёни соҳа афзуда истодааст,- иброз дошт раиси Кумита.
Баъдан Абдуҷаббор Азизӣ, муовини аввали Раиси ҲХДТ дар суҳбат бо варзишгарону намояндагони ҳизб гуфт, ки воқеан самари озодиву соҳибистиқлолист, ки имрӯз талошҳо бар ҳадар намераванду соҳаҳои мухталифи мамлакат, аз ҷумла самти варзиш рушди бемайлон дорад.
Баъд аз суҳбатҳо аз ҷониби варзишгарон ба намояндагони ҳизб ҳамчун туҳфаи рамзӣ медалҳои ҷашнии 20-солагии Созмони Ҳамкории Шанхай ва бастаҳо, ки дар дохили он китобҳо, аксҳо, тақвимҳои рӯимизӣ ва шумораи ҷашнии рӯзномаи “Ҷавонони Тоҷикистон”, ки дар ҳаҷми 70 саҳифа чоп шуда буд, тақдим гардид.
Вохӯрӣ дар Маҷмааи варзишию фароғатии Академияи футболи “Ювентус”-и шаҳри Душанбе ҷараён гирифта, дар он зиёда аз 100 нафар кормандони ҲХДТ аз тамоми гӯшаву канори кишвар иштирок карданд.
Тавре Муҳаммадтолиб Шокирзода, сардори Раёсати варзиши дастгоҳи марказии КҶВ иброз дошт, чорабинӣ дар доираи нақша – чорабиниҳои ҲХДТ, ки бевосита аз ҷониби Раиси ҲХДТ муҳтарам Эмомалӣ Раҳмон тасдиқ шудааст, доир карда шуд.
Кормандони дастгоҳи марказии ҲХДТ ва раисони кумитаҳои иҷроияи ин ҳизб дар вилоят ва шаҳру ноҳияҳои кишварро дар даромадгоҳи Маҷмааи варзишию фароғатии Академияи футболи “Ювентус” варзишгарони муваффақи ҷумҳурӣ истиқбол гирифтанд. Баъд аз истиқболи самимӣ ва шиносоӣ бо варзишгарону роҳбарияти КҶВ дар навбати аввал кормандони ҳизб бо имконият ва шароити мусоиди машқу тамрин дар ин маҷмаа ошно шуданд.
Масъулини Академияи футболи “Ювентус” ба кормандони ҳизб маълумот доданд, ки Маҷмааи варзишию фароғатӣ бо мақсади дар амал татбиқ намудани сиёсати Ҳукумати Ҷумҳурии Тоҷикистон оид ба оммавигардонии варзиш ва тарғиби тарзи ҳаёти солим дар ҷомеа бо харҷи зиёда аз 30 миллион сомонӣ бунёд гардида, аз лиҳози имконият ва шароити мусоиди машқу тамрин дар кишварҳои Осиёи Марказӣ назир надорад. Он бо усули махсус ва бо назардошти санъати меъмории мардуми ориёӣ, ки дар он гил ва хишт масолеҳи асосии бинокорӣ ба ҳисоб мерафт, таҳия ва бунёд карда шудааст.
Маҷмаа дорои варзишгоҳи болопӯшида, толори машқи бадан, маркази фароғатӣ бо меҳмонхона ва қаҳвахона, маркази барқароршавӣ бо толорҳои маҳси бадан, саунаҳои хушку тар ва бунгоҳи тиббӣ мебошад. Дар маҷмаа ҳамзамон толори мураббиён, синфхонаҳо, ҳаммом, сартарошхона, ҷойи шустушӯи либос, ҳуҷраҳои корӣ ва дигар иншооти ёрирасон мавҷуд буда, дар як вақт дар ин иншооти варзишӣ барои машқу тамрини зиёда аз 300 нафар шароити зарурӣ фароҳам оварда шудааст.
Ииттилоъ дода шуд, ки дар ин ҷо завқмандони варзиш сарфи назар аз синну сол метавонанд, ба обу тоби бадан, вазнбардорӣ, намудҳои гуногуни варзиш, аз ҷумла гӯштини ҷудо, ҷиу-ҷитсуи бразилӣ, бокс, кикбоксинг, йога ва дучархаронӣ (сайклинг) машғул шаванд. Машғулияти варзишии гурӯҳӣ барои занон ва кӯдакон низ мутобиқ ба талаботу меъёрҳои байналмилалӣ сурат мегирад.
Толори варзишӣ бо охирин насли таҷҳизоти баландсифати “Тechnogym” Премиум муҷаҳҳаз карда шуда, беҳтарин фазои машқу тамрин барои мизоҷон фароҳам аст ва 70 фоизи барномаҳои толори варзишӣ ба машқи бадан ва вазнпартоӣ равона гардидааст.
Гуфта шуд, ки Тоҷикистон дар қатори 32 мамлакати пешрафтаи ҷаҳон аст, ки чунин толорҳои варзиширо дорост. Баландии майдони болопӯшидаи футболи академия 17, дарозиаш 80 ва паҳноиаш 40 метрро ташкил дода, айни замон дар миёни майдонҳои болопӯшидаи академияҳои амалкунандаи “Ювентус” дар ҷаҳон бузургтарин ба ҳисоб меравад. Ҳамзамон дар дохили майдон монитори калон бо баландии 14 метр ва дарозии 7 метр насб гардида, дар он рафти тамринҳо ба таври мустақим пахш мегардад.
Ҳамин тавр, кормандони ҲХДТ бо имкониятҳои фаррохи ин маҷмаа аз наздик ошно шуда, сипас вобаста ба рушди варзиш дар мамлакат ва шароитҳои дар ин самт фароҳамовардаи Ҳукумати мамлакат суҳбатҳо доир гардид.
Абдулло Раҳмонзода, раиси КҶВ зимни суханронии худ гуфт, боиси ифтихору сарфарозии варзишгарон ва умуман ҷавонони мамлакат аст, ки барои рушди соҳа Ҳукумати мамлакат ва Пешвои муаззами миллат чунин ғамхориҳо мекунанд:
- Аз рӯзҳои аввали ба даст овардани истиқлолият Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба соҳаи варзиш таваҷҷуҳи махсус зоҳир менамоянд. Маҳз бо таваҷҷуҳу ғамхориҳои падаронаи Роҳбари давлат соҳаи варзиш ва тарбияи ҷисмонӣ яке аз самтҳои афзалиятноки сиёсати иҷтимоии Ҳукумати мамлакат қарор гирифта, ба хотири таъмини оммавияти варзиш, тарғибу ташвиқ ва таҳкими тарзи ҳаёти солим, мусоидат намудан барои омодакунии варзишгарони касбӣ ва ба ин васила муаррифӣ намудани давлату миллат дар арсаи байналмилалӣ тамоми заминаҳои меъёриву ҳуқуқӣ ва амаливу моддӣ фароҳам оварда шуд. Ҳамин аст, ки сол то сол дастовардҳои варзишгарону мураббиёни соҳа афзуда истодааст,- иброз дошт раиси Кумита.
Баъдан Абдуҷаббор Азизӣ, муовини аввали Раиси ҲХДТ дар суҳбат бо варзишгарону намояндагони ҳизб гуфт, ки воқеан самари озодиву соҳибистиқлолист, ки имрӯз талошҳо бар ҳадар намераванду соҳаҳои мухталифи мамлакат, аз ҷумла самти варзиш рушди бемайлон дорад.
Баъд аз суҳбатҳо аз ҷониби варзишгарон ба намояндагони ҳизб ҳамчун туҳфаи рамзӣ медалҳои ҷашнии 20-солагии Созмони Ҳамкории Шанхай ва бастаҳо, ки дар дохили он китобҳо, аксҳо, тақвимҳои рӯимизӣ ва шумораи ҷашнии рӯзномаи “Ҷавонони Тоҷикистон”, ки дар ҳаҷми 70 саҳифа чоп шуда буд, тақдим гардид.
Эзоҳи худро нависед