СИЁСАТ
Панҷшанбе 13 Декабр 2018 04:07
4264
Роҳбари ташкилоти экстремистӣ-террористии ҳизби наҳзати исломии Тоҷикистон Муҳиддин Кабирӣ ва дигар ҳаммаслакони гумроҳаш гумон мекунанд, ки мардуми Тоҷикистон аз хиёнатҳои ин қабил афроди беватан огоҳ нестанд. Маҳз наҳзатиҳо дар чашми мардуми одӣ хок пошида, ба Модар-Ватан хиёнат карданд ва ҳоло ҳам ин амалашонро бо ҳар восита давом дода истодаанд.

Агар ба фаъолияти ин тангназарон мушоҳида намоем, аён мегардад, ки кору рафтори онҳо дар заминаи дастуру супоришҳои хоҷагонашон амалӣ гардида, танҳо нияту мақсадҳояшон гумроҳкунии мардум ва бахусус ҷавонон буда, мехоҳанд кишвари озоду соҳибистиқлоли моро ба кишвари исломии хоҷагонашон тадбил диҳанд. Мехоҳанд мардуми дар тӯли асрҳо соҳибмазҳабу соҳибтамаддуни моро аз мазҳаби аҷдодӣ ва фарҳангию суннатии худ берун намуда, мазҳабу фарҳанг ва шеваи зиндагии хогаҷонашонро ба сари мардуми мо таҳмил намоянд.

Бахусус бо зуҳури ташкилоти экстремистӣ-терористии ҳизби наҳзати исломии Тоҷикистон ва рафтуомади бештари аъзоёни ин ташкилоти ифротӣ ба кишвари хоҷагонашон нахуст шеваи либоспӯшии ҳамсару духтарон ва пайвандонашон иваз шуда, оҳиста – оҳиста ин тарзи либоспӯширо ба мардуми одӣ талқин кардан мехостанд. Ба ин васила урфу одати либоспӯшии зебои модари тоҷикро, ки тӯли асрҳо ба мо мерос мондааст, бо як порча либоси сиёҳи ҳамсару духтарони хоҷагонашон иваз кардан мехоҳанд. Мардонро бошад бо мондани ришҳои дарозу бетартиб ва пушидани шимҳои кутоҳ, ки ба гуфти ин тоифаи фурухташудаҳо хоси ислом аст талқин мекунанд. Ин шеваро аввал дар сафҳои наҳзат ҷорӣ намуда, баъдан бо тарғибу ташвиқ ва фитнаандозиву найрангбозӣ дар миёни мардум хостанд ҷорӣ кунанд.

Ин тоифаи харидашуда, бо дастури хоҷагонашон кор бурда, нахуст ба арзишҳои милливу фарҳангӣ ва мазҳаби аҷдодии мардуми тоҷик рахна эҷод намуда, баъдан марҳила ба марҳила ба зиндагии мо эрод гирифта, ҷои ин арзишҳоро бо тамаддун ва фарҳанги хоҷагонашон пурра кардан мехоҳанд, ки дар натиҷа ба солимии авзои ҷомеа хатар эҷод хоҳад намуд.

Барои Муҳиддин Кабирӣ, яке аз саркардагони ташкилоти экстремистӣ-террористии ҳизби наҳзати исломии Тоҷикистон супориши хоҷагонаш аз ҳама муқаддасоту арзишҳои миллӣ боло меистад. Зеро кор ва зиндагии ӯ аз хоҷагонаш вобаста аст. Муҳиддин Кабирӣ барои расидан ба татбиқи ормонҳои деринаи хоҷагонаш ҷаҳду талош менамояд, чунки гарданбанди занҷирии ӯ дар дасти хоҷагонаш аст.

Фарҳод Воҳидов

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.