ҶОМЕА
Шанбе 16 Январ 2021 12:56
7504
Бо даъвати кафедраи рӯзноманигории факултети филологияи тоҷики Донишгоҳи давлатии Бохтар ба номи Носири Хусрав 29-уми октябр ҳайати эҷодии рӯзномаи “Ҷавонони Тоҷикистон” бо донишҷӯёни риштаи рӯзноманигорӣ мулоқот намуданд.

Мулоқоти мазкур дар доираи маҳфили “Рӯзноманигорони ҷавон”-и кафедраи рӯзноманигории факултети филологияи ДДБ ба номи Носири Хусрав доир гардида, дар он Шодихони Назар, сармуҳаррири рӯзномаи “Ҷавонони Тоҷикистон”, Беҳрӯз Холмуродов, котиби масъули рӯзномаи “Ҷавонони Тоҷикистон”, Таваралӣ Соҳибназаров, мухбири минтақавии “Ҷавонони Тоҷикистон” дар вилояти Хатлон, Дилором Маҳкамова, мудири кафедраи рӯзноманигории донишгоҳи мазкур, Сангимурод Шарипов, декани факултети филологияи ДДБ ва Носирҷон Маъмурзода, мудири шуъбаи таҳлилӣ-иттилоотии дастгоҳи вилояти Хатлон иштирок ва суханронӣ намуданд.

Маҳфилро Дилором Маҳкамова, мудири кафедраи рӯзноманигории факултети филологияи ДДБ ба номи Носири Хусрав оғоз намуда, дар ибтидо вобаста ба нақши рӯзномаи “Ҷавонони Тоҷикистон” дар баланд бардоштани маънавиёти мардум ва чун мактаби омӯзанда будани ин рӯзнома барои рӯзноманигорон суханронӣ намуданд.

Сипас Шодихони Назар, сармуҳаррири рӯзномаи “Ҷавонони Тоҷикистон” дар баромади хеш оид ба таърихи 90-солаи рӯзномаи “Ҷавонони Тоҷикистон”, роҳҳои тай намудаи рӯзнома, ба нашр расидани китоби “Пири дилҷавон” ва нашри махсуси рӯзнома дар ҳаҷми 90 саҳифа, ки дар доираи 90-солагии рӯзнома нашр гардиданд, ибрози назар намуданд.


- Рӯзномаи “Ҷавонони Тоҷикистон” мактаби бузургпарвар ва минбари ягонаи ҷавонони кишвар буда, он тӯли 90 сол аст, ки рисолати пуршараферо бе чуну чаро иҷро намуда, то имрӯз барои суботи ҷомеаи Тоҷикистону баланд бардоштани сатҳи маърифатнокии миллати тоҷик хизматҳои шоёне кардааст. Тӯли ин солҳо рӯзнома аз ормонҳои ҷавонони миллати тоҷик менависаду раҳнамои насли ояндасоз аст. Бо гузашти солҳо нашрия рисолати худро нигоҳ доштааст. Нашрия ҳамеша манфиатҳои кишварро дифоъ намуда, матолиби он ҷавононро ҳамеша ба некӣ ва накӯкорӣ ҳидоят менамояд, - гуфт дар идомаи суханронии хеш Шодихони Назар.

+2.jpg

Ҳамзамон гуфта шуд, ки шумораи якуми рӯзномаи “Ҷавонони Тоҷикистон” 5-уми апрели соли 1930 бо номи “Комсомоли Тоҷикистон” ба табъ расида, то имрӯз онро 33 сармуҳаррир роҳбарӣ кардаанд. Рӯзнома аз 5 апрели соли 1930 то 24 августи соли 1941 бо номи “Комсомоли Тоҷикистон”, аз 1 сентябри соли 1945 то 12 июли соли 1956 бо номи “Ҷавонони Тоҷикистон”, аз 15 июли соли 1956 то 27 декабри соли 1988 бо номи “Комсомоли Тоҷикистон” ва аз 1 январи соли 1989 то ҳол бо номи “Ҷавонони Тоҷикистон” нашр мешавад.

Дар идома миёни донишҷӯён ва масъулини рӯзномаи “Ҷавонони Тоҷикистон” суҳбати озод дар шакли суолу ҷавоб сурат гирифта, дар рафти он донишҷӯёни риштаи рӯзноманигории факултети филологияи ДДБ ба номи Носири Хусрав оид ба пешаи рӯзноманигорӣ, рисолати рӯзноманигор ва чи гуна рӯзноманигори муваффақ шудан, маълумоти мушаххас гирифтанд.

+3.jpg

Дар охири мулоқот Шодихони Назар, сармуҳаррири рӯзномаи “Ҷавонони Тоҷикистон” ба якчанд донишҷӯи фаъол китоби “Пири дилҷавон” ва нашри махсуси рӯзномаро дар ҳаҷми 90 саҳифа тақдим намуданд.

+4.jpg

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Январ 2021 c.