Дар доираи мусобиқаи “Ҷоми рушд” дастаи мунтахаби наврасони то 16-солаи Тоҷикистон дар рақобат бо тими наврасони Белорус ба бохти бузург дучор гардид.

Рақобати дастаҳои наврас рӯзи 19-уми январ дар шаҳри Минск сурат гирифта, бо ҳисоби 6:1 ба нафъи мизбонон анҷом ёфт.

Миллипӯшони навраси тоҷик дар гурӯҳи “А”-и мусобиқа қарор дошта, дар даври дуюм имрӯз, 20-уми феврал бо дастаи наврасони Минск дидор анҷом медиҳад.

Бояд гуфт, ки дар “Ҷоми рушд” 8 даста ба ду гурӯҳ тақсим шуда, байни ҳам мубориза мебаранд. Мувофиқи низомнома дастаҳо дар марҳилаи гурӯҳӣ дар як давра бозӣ хоҳанд кард.

Ғолибони гурӯҳҳо ба финал роҳ ёфта, тимҳои ҷойи дуюм барои медалҳои биринҷӣ мубориза мебаранд. Инчунин, барои ҷойҳои 5-6 ва 7-8-ум ҳам нерусанҷиҳо баргузор мешавад.

Яҳё МАҲМАДНАБИЕВ, “ҶТ”