Аз ҷониби Кумитаи ҳифзи муҳити зист дар соли 2019 1132 ҳолати дағалона вайрон намудани меъёру стандартҳои экологӣ ошкор гардидааст. Дар ин бора раиси Кумитаи ҳифзи муҳити зист, Гулмаҳмадзода Давлатшоҳ Қурбоналӣ имрӯз зимни нишасти хабарӣ ба рӯзноманигорон иттилоъ дода шуд.

“Дар соли 2019 барои риоя накардани меъёру стандартҳои экологӣ ва қонунвайронкунӣ дар соҳаи ҳифзи муҳити зист нисбат ба 9494 нафар шахсони воқеи ва ҳуқуқӣ чораҳои маъмурӣ андешида шудааст. Ҳамчунин 1132 ҳолати дағалона вайрон кардани меъёру стандартҳои экологӣ ва талаботи соҳаи ҳифзи муҳити зист ошкор гардида, 1 миллиону 387 ҳазор сомонӣ зарар муайян карда шуда, аз он 438 ҳазор сомонӣ руёнида шудааст”,-гуфт ӯ

Ҳамчунин дар нишасти мазкур гуфта шуд, ки ҳоло замоне фаро расидааст, ки кумита бештар аз пештара ҳамкориро бо тамоми ВАО-и кишвар тақвият диҳаду барои баланд бардоштани маърифати экологии сокинони мамлакат талош варзад.

Рустам ОДИНАЕВ, “ҶТ”