Дар Тоҷикистон барои кормандоне, ки реҷаи 5 рӯзаи ҳафтаи корӣ доранд, рӯзи ҷумъа – 10 май истироҳатӣ эълон карда шуд.

Дар ин бора Маликшоҳ Неъматзода, раиси Федератсияи иттифоқҳои касабаи мустақили Тоҷикистон дар саҳифаи фейсбукии худ хабар дод.

Ба навиштаи Маликшоҳ Неъматзода ин тасмим дар асоси Қарори Ҳукумати Ҷумҳурии Тоҷикистон, ки аз 17 феврали соли 2024, №71 гирифта шуда, дар асоси он рӯзи 4 май, ки ба рӯзи шанбеи ҳафта рост меояд, рӯзи корӣ эълон шудааст.

- Бо ҳамин назардошт, ба кормандоне, ки реҷаи 5 рӯзаи ҳафтаи корӣ доранд, 9 май (панҷшанбе)- Рӯзи Ғалаба дар Ҷанги Бузурги Ватанӣ; 10(ҷумъа); 11(шанбе) ва 12 (якшанбе) рӯзҳои истироҳатӣ ҳисобида мешаванд,- навиштааст раиси Федератсияи иттифоқҳои касабаи мустақили Тоҷикистон.

Ин ба он маъност, ки кормандони дорои реҷаи 5 рӯзаи корӣ дар ҳафтаи дуввуми моҳи май ба 4 рӯзи пайдарпайи истироҳат ҳуқуқ доранд.