Иттифоқи Тоҷикматлубот ба муносибати иди Наврӯз ва дар моҳи шарифи Рамазон ба оилаҳои камбизоат, собиқадорони меҳнат, шахсони бепарастор ва дигар муассисаҳо дар маҷмӯъ ба маблағи 107 ҳазор сомонӣ кумакҳои хайриявӣ расонидааст.

Роҳбарияти Иттифоқи Тоҷикматлубот, 21 июл, зимни нишасти матбуотӣ дар ин бора иттилоъ дода, дар идома қайд намуданд, ки даромади умумии аз натиҷаи фаъолият бадастомада ба 44,7 млн. сомонӣ расонида шуд. Аз ҷумла, аз ҳисоби ҷамъоварии пардохти доимии яквақта 4,9 млн. сомонӣ, аз ҳисоби хизмати пулакӣ 3,4 млн. сомонӣ, иҷорапулӣ 9,1 млн. сомонӣ ва аз дигар манбаъҳо 27,3 млн. сомониро ташкил намуд.

Ҳамзамон гуфта шуд, ки даромади умумӣ нисбат ба ҳамин давраи соли гузашта дар маҷмӯъ 4,3 млн. сомонӣ кам буда, ба буҷети давлат аз ҳама намуди манбаъҳо 15,0 млн. сомонӣ андоз равона карда шуд.