Дар Ваколатдор оид ба ҳуқуқи инсон бештари муроҷиатҳо оид ба ҳуқуқ ба манзил ба қайд гирифта шудааст.

Дар ин бора 9 феврал Ваколатдор оид ба ҳуқуқи инмон Умед Бобозода зимни нишасти матбуотӣ хабар дод.

Ба гуфтаи ӯ, муроҷиатҳои хаттӣ ба масъалаҳои ҳуқуқ ба манзил (78 адад), таъминоти иҷтимоӣ (60 адад) ва ҳуқуқ ба саломатӣ (32 адад), 12 муроҷиат ба фаъолияти мақомоти ҳифзи ҳуқуқ, 10 муроҷиат ба ҳуқуқи шахсони аз озодӣ маҳрумшуда ва 10 муроҷиат ба масъалаи баргардонидани ҳуҷҷатҳо ворид гардидааст.

Инчунин, зикр гардид, ки муроҷиатҳои шифоҳӣ асосан ба масъалаҳои сатҳи кофии зиндагӣ ва таъминоти иҷтимоӣ (13 адад), ҳуқуқ ба манзил (16 адад), ҳуқуқ ба саломатӣ (9 адад) ва озодӣ аз зӯроварӣ (4 адад) ворид гардидааст.

Ҳамзамон, гуфта шуд, ки дар соли гузашта 200 муроҷиат мавриди баррасӣ қарор гирифта, 68 муроҷиат ба ҳалли мусбӣ расидааст. Ҳамзамон, 268 муроҷиат рад ё баргардонида шудааст. Дар маҷмӯъ, 1305 муроҷиат дар мақомоти Ваколатдор ба қайд гирифта шуда, аз онҳо 119 муроҷиат хаттӣ ва 1190 муроҷиат шифоҳӣ мебошанд.

Фарзонаи УМАРАЛӢ, “ҶТ”