ҶОМЕА
Якшанбе 16 Январ 2022 02:48
8431
25 ноябр дар меҳмонхонаи Ҳаят Реҷенси бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон дар доираи маъракаи ҷаҳонии “16 рӯзи амал зидди зӯроварӣ нисбати занон” таҳти унвони “Нури рӯшонӣ” конфронсия баргузор гардид. Дар конфронси мазкур Матлубахон Сатториён, муовини Сарвазири Ҷумҳурии Тоҷикистон, Сезин Синанолу, ҳамоҳангсози доимии СММ дар ҶТ, хонум, Петра Гаспарова, ҷонишини сафири Иттиҳоди Аврупо дар ҶТ, намояндаи Дастгоҳи иҷроияи Президенти Ҷумҳурии Тоҷикистон, роҳбарони вазорату идораҳо ва намояндагони оҷонсиҳои СММ дар Тоҷикистон иштирок ва суханронӣ намуданд.

Дар ифттитоҳи конфронс муовини сарвазири Ҷумҳурии Тоҷикистон Матлубахон Сатториён ҳамаи иштирокчиёнро хайри мақдам гуфта, таъкид намуд, ки “Баъди ба даст овардани Истиқлолияти давлатӣ дар кишвар озодии занон, муҳофизат ва ҳавасманд кардани модар, ғамхорӣ нисбат ба тарбияи фарзандон ва таъмини манфиатҳои онҳо, якканикоҳӣ, озодона кардани никоҳ ва озодона бекор кардани онро давлат кафолат медиҳад. Дар сиёсати пешгирифтаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон таъмини сатҳи шоистаи зиндагии шаҳрвандони кишвар, яке аз самтҳои асосии рушд муайян гардидааст”.

Гуфта шуд, ки қабули ёддоштҳои табодули дар мавриди амалисозии Барномаи муштараки СММ оид ба ташаббуси “Нури рӯшноӣ”, ки аз ҷониби Иттиҳоди Аврупо маблағгузорӣ мешавад, тасдиқи он аст, ки Ҷумҳурии Тоҷикистон ба тадриҷ уҳдадориҳоро дар самти амалӣ намудани ҳизфи ҳуқуқҳои занон, пешгирии зӯроварӣ нисбати занон амалӣ намуда истодааст.
Дар ин замина Барномаи “Нури рӯшноӣ” ба стратегия миллии рушди Ҷумҳурии Тоҷикистон барои давраи то соли 2030 ва ҳадафҳои рушди устувори СММ мувофиқ мебошад.

Ҳадаф аз баргузор намудани барномаи “Нури рӯшноӣ” барои хотима додан ба ҳама гуна шаклҳои хушунат нисбати занон ва духтарон, бархӯрдор гаштани онҳо аз ҳуқуқҳои худ равона гардида, дурнамои амалишавии он дар Тоҷикистон то декабри соли 2022 муайян шудааст.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Январ 2022 c.