ҶОМЕА
Панҷшанбе 13 Август 2020 04:14
7183
Дар шаш моҳи соли равон дар муассисаҳои табобатию профилактикии Вилояти Мухтори Кӯҳистони Бдахшон 490 табибону 2 717 нафар кормандони миёнаи тиб кору фаъолият намуда, ба ҳолати 22 июли соли равон 2 ҳазору 104 нафар шифоёфтагон аз бемории Covid – 19 аз беморхонаҳои вилоят бо ҳолати қаноатбахш ҷавоб дода шуданд, - иброз намуд Фарид Музаффаров, сардори Раёсати тандурустӣ ва ҳифзи иҷтимоии аҳолии ВМКБ дар нишасти матбуотӣ.

Ба ҳолати ҳозира 24 нафар кормандон, хатмкунандагони Донишгоҳи давлатии тиббии Тоҷикистон баъди хатми донишгоҳ дар беморхонаи вилоятӣ ва дигар муассисаҳои профилактикии вилоят аз заминаи интернатура гузашта, 15 нафар онҳо дар муассисаҳои табобатии вилоят бо ҷойи хоб ва дигар шароитҳои мавриди ниёз таъмин гаштанд. Яъне аз ин теъдод, 11 нафарашон бо квотаи президентӣ хатм намудаанд.

- Аз рӯзҳои аввали бақайдгирии беморӣ дар вилоят табибон, ҳамшираҳои тиб, кормандони марказҳои давлатии назорати санитарӣ – эпидемиологӣ, шуъбаҳои ёрии таъҷилии шаҳру ноҳияҳо, муассисаҳои ёрии авввалияи тиббӣ – санитарӣ, марказҳои ташаккули тарзи ҳаёти солими вилоят ҷиҳати пешгирии беморӣ хизматрасонии шабонарӯзиро роҳандозӣ намуда, софдилона ба мардум хизмат мекунанд, - гуфт Ф. Музаффаров.

Ҳоло бо дастгирии Ҳукумати Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии кишвар, мақомоти ҳокимияти давлатии вилояту шарикони рушд, шахсони саховатпешаву хайрихоҳ ва муассисаҳои тандурустии вилоят миқдори зарурии воситаҳои муҳофизатии фардӣ, либосҳои махсуси бисёркаратаи муҳофизатӣ, ниқобу дастпӯшакҳои худмуҳофизатии тиббӣ ва дигар маводҳои безараргардонию доруворӣ захира шуда, дар ояндаи наздик барои муассисаҳои профилактикӣ аз тарафи вазорати болозикр ва Хадамоти тандудурстии Оғохон тестҳову дастгоҳи махсуси ташхисӣ барои муайян кардани беморӣ ҷудо мегардад.

Зикр шуд, ки беморхонаи вилоятӣ, ки ҳанӯз солҳои 1964 сохта гашта, ба таъмири умумӣ ниёз дошт ва ҳоло бо супориши раиси ВМКБ Ёдгор Файзов марҳилаи аввали тармиму таҷдиди он оғоз гардидааст.

Норасоии кормандони тибби оилавӣ дар ноҳияҳои Дарвоз, Ишкошим ва Мурғоб ба қайд гирифта шуда, умед аст, ки дар солҳои минбаъда ин масъала низ ҳалли пурраи худро меёбад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Август 2020 c.