Дар шаш моҳи соли 2019 ба Хадамоти иҷрои назди Ҳукумати Ҷумҳурии Тоҷикистон ва воҳидҳои сохтории он дар маҳалҳо 26 538 маводҳо ва арзу муроҷиатҳои шахсони воқеию ҳуқуқӣ вобаста ба масъалаҳои таъмини иҷрои санадҳои судӣ ва санадҳои дигар мақомот ворид гардидааст.

Дар ин бора Идрисзода Илёс Мумин, сардори Хадамоти иҷрои назди Ҳукумати Ҷумҳурии Тоҷикистон, 19 июл, зимни нишасти хабарӣ иттилоъ дода, гуфт: “Аз ин шумора дар самти иҷрои санадҳои судӣ ва санадҳои дигар мақомот 25 887 ҳуҷҷати иҷро, аз ҷумла 20 069 адади он аз мақомоти судӣ, 5 795 адад аз дигар мақомот ва 23 навиштаҷоти нотариалӣ ворид гардида, тибқи талаботи онҳо истеҳсолоти иҷро оғоз карда шудааст”.

Дар идомаи нишаст таъкиди гардид, ки бо татбиқи чораҳои маҷбурӣ дар давраи ҳисоботӣ иҷрои воқеии 19 678 ё 58,0% ҳуҷҷатҳои иҷро таъмин гардидааст, ки низар ба ҳамин давраи соли гузашта иҷроиши воқеӣ 6,7% зиёд мебошад. Ҳамзамон, рӯёниш дар самти барқарор намудани маблағҳои зарари расонидашуда ва ҷарима ба манфиати давлат ба маблағи 16 180 541,52 сомонӣ таъмин гардид, ки дар муқоиса ба ҳамин давраи соли 2018 ба маблағи 1 431 660 сомонӣ бештар аст.