Қарзи идораҳои зертобеи Агентии беҳдошти замин ва обёрии назди Ҳукумати Ҷумҳурии Тоҷикистон аз қувваи барқи истифодашуда дар назди ШСХК “Барқи Тоҷик” 287,2млн. сомониро ташкил медиҳад, ки 77,2 млн. сомонии он қарзи соли 2020 мебошад.

Ин нуктаро 9 феврал Холмурод Раҳмон, директори Агентии беҳдошти замин ва обёрии назди Ҳукумати Ҷумҳурии Тоҷикистон зимни нишасти хабарӣ таъкид намуд.

Номбурда дар шарҳи он иброз дошт, ки сабаби асосии пайдоиш ва болоравии қарзи идораҳои давлатии беҳдошти замин ва обёрии шаҳру ноҳияҳо дар назди ШСХК “Барки Тоҷик” паст будани тарифи ҳаққи хизмати обрасонӣ ва пайваста баланд гардидани тарифҳои неруи барқ мебошад.