ҶОМЕА
Шанбе 20 Апрел 2024 02:29
Ба истиқболи он ВМКБ симои худро дигар мекунад
Дар зарфи 31 соли Истиқлолияти давлатии Ҷумҳурии Тоҷикистон шаҳру ноҳияҳои Вилояти Мухтори Кӯҳистони Бадахшон куллан тағйири симо карда, маҳз дар ин давра корҳои созандагию бунёдкорӣ вусъат ёфтанду иншооти гуногуни хоҷагии халқ мавриди истифода қарор гирифтанд.
Дар ин муддат роҳҳои аҳамияти байналмилаливу маҳаллидошта мутобиқ ба стандартҳои ҷаҳонӣ сохта шуда, баҳри ободонии шаҳру ноҳияҳо корҳои муайян ба сомон расид.
Феълан агар дар худи маркази вилоят гирем, замони соҳибистиқлолии мамлакат бо дастуру ҳидоятҳои Пешвои муаззами миллат муҳтарам Эмомалӣ Раҳмон садҳо иншооти таъйиноти гуногун бунёду навсозӣ гардида, қисмати зиёдашон бо иштироки бевоситаи Роҳари давлат мавриди баҳрабардорӣ қарор дода шуданд. Яъне давоми 31 сол Пешвои миллат беш аз 50 маротиба ба шаҳри Хоруғ ташриф оварда, ҳар сафарашон барои сокинони вилоят файзу баракати тоза ва ободиҳои бешумореро ба бор меоранд.
Воқеан, ба забон овардани ҳамаи корҳое, ки дар ин замон дар ҳудуди вилоят карда шуданд, муддатҳои зиёде тақозо дорад. Зеро танҳо дар се соли охир дар доираи иқдоми Роҳбари давлат дар робита ба вусъати корҳои ободонию созандагӣ ба хотири истиқболи сазовори 30-солагии Истиқлолияти давлатии Тоҷикистон дар маркази вилоят зиёда аз 100 иншооти таъйиноти гуногун мавриди истифода қарор дода шуданд.
Дар сафари Роҳбари давлат, ки моҳи сентябри соли гузашта ба шаҳри Хоруғ ҷараён гирифт, бинои нави муассисаи таълимии рақами панҷум, толор ва майдончаи варзишӣ дар назди ин мактаб, Маркази саломатӣ ва дигар иншооти ҳаётан муҳим ифтитоҳ гаштанд.
Ноҳияи Роштқалъа худ зодаи даврони истиқлолият буда, бо қарори Шӯрои Олии Ҷумҳурии Тоҷикистон 3-юми январи соли 1992 аз нав таъсис дода шудааст. Давоми 31 сол дар ноҳия бо дастги¬рии Ҳукумати Ҷумҳурии Тоҷикистон ва шарикони рушд корҳои зиёди ободонию созандагӣ ба анҷом расонда шуданд.
“Ободиву зебогии ноҳияи Роштқалъа худ самараи ваҳдату истиқлолият аст. Дар ин муддат дар ноҳия зиёда аз 367 иншооти иҷтимоиву иқтисодӣ ба маблағи беш аз 96 миллиону 536 ҳазор сомонӣ бунёду навсозӣ шуданд” - иброз намуд, раиси ноҳия Аъзам Шомирзозода.
Дар даҳ соли охир аз ҷониби Ҳукумати мамлакат дар ноҳия ба маблағи 62 миллиону 628 ҳазор сомонӣ 37 иншоот таҷдид гардиданд. Дар доираи таҷлил аз ҷашни бошукӯҳи умумимиллӣ, 35 - солагии Истиқлолияти давлатӣ дар ноҳия бунёди 196 иншооти дорои аҳамияти иқтисодию иҷтимоӣ ва фарҳангӣ ба нақша гирифта шудааст. Бинои 5 - ошёнаи истиқоматӣ барои хизматчиёни давлатӣ, биноҳои маъмурии сеошёна барои кормандони шуъбаи меҳнат, муҳоҷират ва шуғли аҳолӣ, хадамоти давлатии оташнишонӣ ва Ҷамоати деҳоти Роштқалъа аз зумраи иншооти ҷашнӣ мебошанд.
Бо дастури бевоситаи Сарвари давлат дар маркази ноҳия сохтмони бинои 4 - ошёнаи беморхонаи марказӣ оғоз гардида, барои бунёди он 82 млн. сомонӣ пешбинӣ шудааст. Дар қатори дигар иншоотҳо дар маркази ноҳия сохтмони бинои чорошёнаи мактаб барои 640 ҷои нишаст оғоз гардид, ки дар оянда симои маркази ноҳияро боз ҳам зеботар мегардонад.
Ҳамин тавр, дар ноҳияи Дарвоз дар замони соҳибистиқлолӣ зиёда аз 261 иншооти иҷтимоиву иқтисодӣ ба маблағи беш аз 436 миллиону 856,3 ҳазор сомонӣ бунёду навсозӣ шуданд. Танҳо дар даҳ соли охир аз ҷониби Дирексияи сохтмони иншооти ҳукуматии Дастгоҳи иҷроияи Президент дар Дарвоз ба маблағи 41 миллион сомонӣ 16 иншоот, аз ҷумла 11 муассисаи таълимӣ таҷдид гардиданд. Дар се соли охир 96 иншоот ба истифода дода шуда, бунёду барқарорсозии объектҳои муҳими дигар бомаром идома дорад.
Дар доираи “Барномаи рушди иҷтимоиву иқтисодии ноҳияи Ванҷ барои солҳои 2021-2025” 112 лоиҳа ба маблағи умумии 160 миллион сомонӣ пешбиниву амалӣ шуда, давоми сӣ соли Истиқлол дар ноҳияи Ванҷ дар самти бунёди иншооти иҷтимоиву иқтисодӣ 83 иншоот бунёду ба истифодабарӣ дода шуд. Аз ҷумла 11 мактаби замонавӣ, ки 7-тояш аз тарафи Дирексияи сохтмони иншооти ҳукуматии Дастгоҳи иҷроияи Президенти кишвар, 11 мактаб бо синфхонаҳои иловагӣ таъмиру азнавсозӣ гашта, сохтмони се мактаби дигар дар арафаи анҷомёбист. Инчунин, аз тарафи Дирексияи сохтмони ҳукуматӣ як қасри фарҳангӣ дар маркази ноҳия ва дигараш дар Ҷамоати деҳоти Техарв сохта ба истифода дода шуд.
Маркази ноҳия имрӯз хеле зебову ба шаҳраки замонавӣ табдил ёфтааст. Дар марказ иншооти зиёд сохта шуда, роҳҳои марказӣ пурра асфалтпӯшу чароғон шудаанд. Майдони Исмоили Сомонӣ, Парчами давлатӣ ва Нишони давлатӣ ба ҳусни маркази ноҳияи Ванҷ боз ҳам зебоии бештаре зам менамояд. Феълан сохтмони 14 иншоот дар арафаи анҷомёбӣ қарор дошта, сохтмони 40 иншооти дигари ноҳия бомаром идома дорад.
Имрӯзҳо дар шаҳру ноҳияҳои вилоят омодагӣ ба таҷлили сазовори 35 - умин солгарди Истиқлолияти давлатии Тоҷикистон идома ёфта, нақшаи чорабиниҳо оид ба вусъати корҳои ободонию созандагӣ боҳадаф татбиқ шуда истодаанд. Шубҳае нест, ки ҳамаи ин корҳо ба пешрафти минбаъдаи кишвар, иттиҳоду ҳамдилии мардум мусоидат карда, истиқлолу соҳибихтиёрии онро бештар аз ҳарвақта таҳким мебахшанд.
Дар зарфи 31 соли Истиқлолияти давлатии Ҷумҳурии Тоҷикистон шаҳру ноҳияҳои Вилояти Мухтори Кӯҳистони Бадахшон куллан тағйири симо карда, маҳз дар ин давра корҳои созандагию бунёдкорӣ вусъат ёфтанду иншооти гуногуни хоҷагии халқ мавриди истифода қарор гирифтанд.
Дар ин муддат роҳҳои аҳамияти байналмилаливу маҳаллидошта мутобиқ ба стандартҳои ҷаҳонӣ сохта шуда, баҳри ободонии шаҳру ноҳияҳо корҳои муайян ба сомон расид.
Феълан агар дар худи маркази вилоят гирем, замони соҳибистиқлолии мамлакат бо дастуру ҳидоятҳои Пешвои муаззами миллат муҳтарам Эмомалӣ Раҳмон садҳо иншооти таъйиноти гуногун бунёду навсозӣ гардида, қисмати зиёдашон бо иштироки бевоситаи Роҳари давлат мавриди баҳрабардорӣ қарор дода шуданд. Яъне давоми 31 сол Пешвои миллат беш аз 50 маротиба ба шаҳри Хоруғ ташриф оварда, ҳар сафарашон барои сокинони вилоят файзу баракати тоза ва ободиҳои бешумореро ба бор меоранд.
Воқеан, ба забон овардани ҳамаи корҳое, ки дар ин замон дар ҳудуди вилоят карда шуданд, муддатҳои зиёде тақозо дорад. Зеро танҳо дар се соли охир дар доираи иқдоми Роҳбари давлат дар робита ба вусъати корҳои ободонию созандагӣ ба хотири истиқболи сазовори 30-солагии Истиқлолияти давлатии Тоҷикистон дар маркази вилоят зиёда аз 100 иншооти таъйиноти гуногун мавриди истифода қарор дода шуданд.
Дар сафари Роҳбари давлат, ки моҳи сентябри соли гузашта ба шаҳри Хоруғ ҷараён гирифт, бинои нави муассисаи таълимии рақами панҷум, толор ва майдончаи варзишӣ дар назди ин мактаб, Маркази саломатӣ ва дигар иншооти ҳаётан муҳим ифтитоҳ гаштанд.
Ноҳияи Роштқалъа худ зодаи даврони истиқлолият буда, бо қарори Шӯрои Олии Ҷумҳурии Тоҷикистон 3-юми январи соли 1992 аз нав таъсис дода шудааст. Давоми 31 сол дар ноҳия бо дастги¬рии Ҳукумати Ҷумҳурии Тоҷикистон ва шарикони рушд корҳои зиёди ободонию созандагӣ ба анҷом расонда шуданд.
“Ободиву зебогии ноҳияи Роштқалъа худ самараи ваҳдату истиқлолият аст. Дар ин муддат дар ноҳия зиёда аз 367 иншооти иҷтимоиву иқтисодӣ ба маблағи беш аз 96 миллиону 536 ҳазор сомонӣ бунёду навсозӣ шуданд” - иброз намуд, раиси ноҳия Аъзам Шомирзозода.
Дар даҳ соли охир аз ҷониби Ҳукумати мамлакат дар ноҳия ба маблағи 62 миллиону 628 ҳазор сомонӣ 37 иншоот таҷдид гардиданд. Дар доираи таҷлил аз ҷашни бошукӯҳи умумимиллӣ, 35 - солагии Истиқлолияти давлатӣ дар ноҳия бунёди 196 иншооти дорои аҳамияти иқтисодию иҷтимоӣ ва фарҳангӣ ба нақша гирифта шудааст. Бинои 5 - ошёнаи истиқоматӣ барои хизматчиёни давлатӣ, биноҳои маъмурии сеошёна барои кормандони шуъбаи меҳнат, муҳоҷират ва шуғли аҳолӣ, хадамоти давлатии оташнишонӣ ва Ҷамоати деҳоти Роштқалъа аз зумраи иншооти ҷашнӣ мебошанд.
Бо дастури бевоситаи Сарвари давлат дар маркази ноҳия сохтмони бинои 4 - ошёнаи беморхонаи марказӣ оғоз гардида, барои бунёди он 82 млн. сомонӣ пешбинӣ шудааст. Дар қатори дигар иншоотҳо дар маркази ноҳия сохтмони бинои чорошёнаи мактаб барои 640 ҷои нишаст оғоз гардид, ки дар оянда симои маркази ноҳияро боз ҳам зеботар мегардонад.
Ҳамин тавр, дар ноҳияи Дарвоз дар замони соҳибистиқлолӣ зиёда аз 261 иншооти иҷтимоиву иқтисодӣ ба маблағи беш аз 436 миллиону 856,3 ҳазор сомонӣ бунёду навсозӣ шуданд. Танҳо дар даҳ соли охир аз ҷониби Дирексияи сохтмони иншооти ҳукуматии Дастгоҳи иҷроияи Президент дар Дарвоз ба маблағи 41 миллион сомонӣ 16 иншоот, аз ҷумла 11 муассисаи таълимӣ таҷдид гардиданд. Дар се соли охир 96 иншоот ба истифода дода шуда, бунёду барқарорсозии объектҳои муҳими дигар бомаром идома дорад.
Дар доираи “Барномаи рушди иҷтимоиву иқтисодии ноҳияи Ванҷ барои солҳои 2021-2025” 112 лоиҳа ба маблағи умумии 160 миллион сомонӣ пешбиниву амалӣ шуда, давоми сӣ соли Истиқлол дар ноҳияи Ванҷ дар самти бунёди иншооти иҷтимоиву иқтисодӣ 83 иншоот бунёду ба истифодабарӣ дода шуд. Аз ҷумла 11 мактаби замонавӣ, ки 7-тояш аз тарафи Дирексияи сохтмони иншооти ҳукуматии Дастгоҳи иҷроияи Президенти кишвар, 11 мактаб бо синфхонаҳои иловагӣ таъмиру азнавсозӣ гашта, сохтмони се мактаби дигар дар арафаи анҷомёбист. Инчунин, аз тарафи Дирексияи сохтмони ҳукуматӣ як қасри фарҳангӣ дар маркази ноҳия ва дигараш дар Ҷамоати деҳоти Техарв сохта ба истифода дода шуд.
Маркази ноҳия имрӯз хеле зебову ба шаҳраки замонавӣ табдил ёфтааст. Дар марказ иншооти зиёд сохта шуда, роҳҳои марказӣ пурра асфалтпӯшу чароғон шудаанд. Майдони Исмоили Сомонӣ, Парчами давлатӣ ва Нишони давлатӣ ба ҳусни маркази ноҳияи Ванҷ боз ҳам зебоии бештаре зам менамояд. Феълан сохтмони 14 иншоот дар арафаи анҷомёбӣ қарор дошта, сохтмони 40 иншооти дигари ноҳия бомаром идома дорад.
Имрӯзҳо дар шаҳру ноҳияҳои вилоят омодагӣ ба таҷлили сазовори 35 - умин солгарди Истиқлолияти давлатии Тоҷикистон идома ёфта, нақшаи чорабиниҳо оид ба вусъати корҳои ободонию созандагӣ боҳадаф татбиқ шуда истодаанд. Шубҳае нест, ки ҳамаи ин корҳо ба пешрафти минбаъдаи кишвар, иттиҳоду ҳамдилии мардум мусоидат карда, истиқлолу соҳибихтиёрии онро бештар аз ҳарвақта таҳким мебахшанд.
Хабарҳои дигар
Рӯзнома
Эзоҳи худро нависед