Айни ҳол 38% аҳолии кишвар ба оби тозаи ошомиданӣ дастрасӣ надоранд.

Ин нуктаро Табарзода Ҷамшед, директори генералии КВД "Хоҷагии манзилию коммуналӣ" имрӯз 29 июл, зимни нишасти матбуотӣ ба хабарнигорон ироа кард.

Ӯ ҳамчунин гуфт, ки ин шумора дар деҳоти кишвар ба 62 фиссад мерасад.

Табарзода Ҷамшед ба суоли хабарнигорон, ки чаро то имрӯз мушкили беобии аҳолии мамлакат ҳалли пурраи худро наёфтааст, гуфт: “Иллат дар он аст, ки бисёр чизҳоро аз мувозинаи мо гирифтаанд. Мо ҳамагӣ ба 13% аҳолии мамлакат хизматрасонӣ мекунем ва ин фиссад дар деҳаҳо ба 3,78% мерасад”.